ni Alfonso T. Ruda
DIPOLOG CITY, JUNE
22(PIA)---Isip
tipik sa kalibutanong komunidad, katungdanan sa Pilipinas nga motabang sa ubang
nasod nga dunay problemang pinansyal, mao nga mitampo kini ug $1 ka bilyon sa
panudlanan sa International Monetary Fund(IMF).
“Kanunay
kitang nakadawat ug tabang gikan sa IMF sa nakalabay nga 40 ka tuig. Karon nga
gikonsidera na kitang “credtor nation” among gibati nga obligasyon usab sa
Pilipinas nga tabangan kadtong mga nasod nga nagkinahanglan ug pondo gikan sa
IMF,”matod pa ni Presidential spokesperson Edwin Lacierda. Makatabang usab kini
nga ma-stabilize ang krisis karon didto sa Europa,” dugang pa ni Lacierda.
Gipangutana
si Lacierda sa mga tigbalita nga unsaon pag-garantiya sa gobyerno ngadto sa
katawhan nga ma-maayo ang pagdumala sa $1 ka bilyon nga gipautang sa IMF.
“Kon
risgo ba kini o dili, kami nagtoo nga himoon sa IMF ang angayang himoon sa pondo.
Duna karoy naka-andam nga pondong mga $456 bilyones ug among gitampo ang $1 ka
bilyon sa maong pondo,” matod pa ni Lacierda.
Ang
Bangko Sentral sa Piipinas sa usa ka pahayag nagkanayon nga ang Pilipinas
molugway ug $1 ka bilyon nga pautang sa IMF aron suportahan ang kalibutanong
paningkamot nga ma-stabilize ang kalibutanong ekonomiya ug mapabilin kini sa
malambuong dalan.
Ang
Pilipinas isip membro sa kalibutanong komunidad sa mga nasod, dunay obligasyon nga
sigurohon ang ekonomikanhon ug pinansyal nga istabilidad sa tibuok kalibutan,
matod pa sa BSP. Ang utang sa IMF itabang sa mga nasod nga nakasinati ug
kalisdanang-pinansyal aron makuhaan ang di-maayong epekto niini sa ilang katawhan.
Sa
duolan sa 40 ka tuig hangtud niadtong 2006, ang Pilipinas usa ka limpyong mangulutang
sa IMF ug human gipatuman ang padayong reporma nahimo pang mas lig-on ang
ekonomiya niini, sumala pa sa BSP.
Utang
kini sa IMF ug kuhaon natog balik ang atong kwarta uban ang interes. Ang epekto
niini, pinaagi sa paglugway ug pautang sa IMF nga mokita ug kwarta alang sa
PIlipinas, natabangan usab ang ubang mga nasod nga dunay problemang pinansyal,”
nagkanayon ang BSP.(ATR/PCOO/PIA9-Zambo
Norte)
