Ni Alma L. Tingcang
|
MANILA,
May 17 - - Si Presidente Benigno S. Aquino mitugyan sa kantidad nga P3 milyon
alang sa scholarship program sa Congressional Spouses Foundation Inc. (CSFI),
kini sumala pa ni Executive Secretary Paquito N. Ochoa Jr.
Ang
maong kantidad, matod pa ni Ochoa, magagikan sa Presidential Social Fund nga
gilaomang mopausbaw sa scholarship program sa CSFI ug motugbang sa inisyatibo
sa kagamhanan aron ang edukasyon mas makab-ot sa mga kabataan.
Sumala
pa, determinado ang kagamhanan sa pag-implementar ug reporma ug mapalambo ang
sistema sa edukasyon sa nasod, ingon man maghatag ug kahigayonan sa mga kabos
aron mapatungha ang ilang mga anak. Nagpasalamat usab siya sa suporta sa
Kongreso ngadto sa administrasyong Aquino aron makab-ot ang tumong nga magamhan
ang mga Pilipino, labi na mga kabataan pinaagi sa maayong kalidad nga edukasyon.
“Sa
unang duha ka tuig nga pagpamuno sa presidente, ang budget alang sa edukasyon
mitaas pag-ayo, aron matubag nato ang problema sa kakulangon sa mga
magtutudlo ug classrooms,” si Ochoa nagkanayon.
Ang
dugang nga pondo, matod niya, gamiton aron pag-hire sa dugang 13,000
magtutudlo, pagtukod ug pag-repair sa 45,231 classrooms ingon man ipalit
ug 2.53 milyon school desks ug mga lingkoranan.
“Aron
pagkumplemento sa budget increase, ang atong programa sa conditional cash
transfer magatutok diha sa monitoring sa mga household beneficiaries aron
maseguro nga nagtungha sa ilang mga anak sa day care ug kindergarten alang sa
edad 3-5, ug sa primary ug secondary schools alang niadtong nag-edad 6-14,” dugang
pahayag ni Ochoa,.
Gihatagan
usab ug gibug-aton ni Ochoa ang kamahinungdanon sa edukasyon aron pagtabang
sa mga kabataan nga matuman ang ilang mga damgo nga magtuboy sa nasod ngadto
sa kalamboan ug kauswagan. (ALT-PIA9/Zambo Sur)
|
