ni Claro A.
Lanipa
Pagadian
City, May 17 (PIA) – Ang National
Committee on the Filipino Family (NCFF), gipangulohan sa Department of Social
Welfare and Development (DSWD), mopahigayon sa usa ka forum sa pagsaulog sa
International Day of Families sa Mayo 19, uban sa tema, “Ensuring Work-Family
Balance.”
Kapin
sa 250 ka mga family advocates nga nagrepresentar sa nagkalain-laing
miyembrong-sekta sa NCFF ang gilaoman mosalmot sa maong kalihukan nga
pagahimoon sa Cultural Hall of the Church of Jesus Christ of Latter-Day Saints
sa Provident Village, dakbayan sa Marikina.
Ang
International Day of Families gisaulog sa matag Mayo 15 matag tuig, sa giproklamar sa United Nations General
Assembly niadtong 1993. Ang tema ning tuig naghatag ug dakong kahulogan nga ang
balanseng trabaho sa pamilya nagdepende sa pinaka-uyokan nga abilidad sa usa ka
pamilya nga makahatag sa mga miyembro sa pamilya sa ekonomikanhon ug emosyonal nga mga butang.
Ang
UN nanawagan sa mga estado aron sa pagpaambit sa mga maayong binuhatan kon ‘good practices’ mahitungod sa
work-family balance nga gi-implementar ug giduso sa kagamhanan, pribadong
sekta, mga kahugpungan sibil ug mga tulunghaan.
Ang
mga hisgutanan sa maong forum mao ang mosunod: mga istratehiya aron motabang sa
mga pamilya sa pagsugakod sa mga buluhaton ug mga responsibilidad, ang epekto
sa mga trabaho sa kinabuhi sa pamilya ug ang
gitawag ‘trends impacting work-family balance’ gikan sa panan-aw sa pamilya
nga nagduso niini. Mga kalihukan sama sa consultation dialogues, forums, family
development sessions, orientation ug uban pa ang pagahimoon sa mga rehiyon
inabagan sa mga stakeholders.
Ang
Konstitusyon sa Pilipinas nag-ila nga ang pamilya maoy tugkaranan sa nasud. Ug
isip usa ka nasud nga naghatag ug dakong importansya sa lig-ong bugkos sa pamilya, ang National Committee on
the Filipino Family nag-awhag sa tanang sekta sa tibuok nasud aron sa
pagpahigayon sa mga kalihukan sa paghandum sa maong kasaulogan gitumong sa
pagpalig-on pa gayud sa pamilya sa tibuok kalibutan.
Ang
NCFF gilangkoban sa mga representante gikan sa ahensiya sa kagamhanan sama sa
DILG, DepEd, DOH, NEDA, NYC, CWC, CHED ug PIA; relihiyosng kahugpungan sama sa
Church of Jesus Christ of the Latter Day Saints; ug non-government
organizations sama sa Kaisahang Buhay Foundation, NorFil, ug Pro- Life
Philippines ug uban pa. Kining mga grupo naghiusa sa pagduso sa bili sa
Pilipino sa lig-ong bugkos sa pamilya kon strong family ties, ang NCFF
nagsuporta sa mga lakang nga nagtuboy, nagpanalipod ug nagpadako sa kalidad sa
kinabuhi sa pamliya. (DSWD/CAL/PIA9)
