ni Alfonso T. Ruda
DIPOLOG CITY, MAY
10(PIA)--- Gikalipay
ug dako sa Kagamhanang-Aquino ang pagka-aprobar sa balaodnon nga nangayong i-rationalize ang excise tax sa alcohol
ug produktong sigarilyo.
Giluwatan
ni Presidential spokesperson Edwin Lacierda ang pahayag atol sa gipahigayong
regular press briefing sa Malakanyang niadtong adlawng Miyerkules, human gi-aprobahan
sa kongreso ang House Bill No. 5727 nga mas naila isip ”An Act restructuring
the excise tax on alcohol and tobacco products” nga gipangamahanan ni Cavite
Representative Joseph Abaya.
“Ang
balaodnon mao ang usa sa praryoridad nga balaodnon sa administrasyon nga nakalusot sa usa
ka mahinungdanong lakang sa
lehislatibong proseso. Ang inisyatibo nga
repormahon ang excise tax sa alcohol nagsugod 15 ka tuig na ang nakalabay apan
ilalom lang niining maong administrasyon ubos sa malig-ong liderato ni Presidente
Benigno Aquino III nga na-aprobahan kini,” matod pa ni Lacierda.
Klaro
ang rationale sa reporma.Ang balaodnon nagtumong nga mapondohan
ang ang pag-atiman sa panglawas sa publiko nga mao ang yabe sa gidamgong kalambuan
sa administrasyong Aquino,” dugang pa ni Lacierda.
Matod
pa ni Lacierda, ang balaodnon nagtumong nga ma-improve ang kapabilidad sa mga mag-uuma
sa tabako, malig-on ang istraktura sa kasamtangang pamuhis ug mapadayon ang pagtubo sa buhis.
Alayon
niini, gipasalamatan sa administrasyon si House Speaker Feliciano Belmonte Jr.,
ug Rep. Neptali Gonzales II, Ways and Means Committee Rep. Isidro Ungab, ug
multi-party majority sa mga membro sa komiti kinsa mibotar aron ma-aprobahan
ang maong balaodnon.
“Kini
maoy testimonya sa hugtanong kooperasyon tali sa Ehikutibo ug sa Lehislatibong
sanga sa gobyerno. Among gilantaw sa unahan ang lehislatibong deliberasyon sa
plenaryo diin naglaum kami nga mayoriya sa mga Representante mobarog sa kiliran
sa among mga kauban nga misuporta sa pang-piskaliyang reporma,” matod pa ni
Lacierda.(ATR/PCOO/PIA9-Zambo Norte)
