ni Alfonso T. Ruda
DIPOLOG CITY, JUNE
24(PIA)--- Ang Anti-Money
Laundering Council (AMLC) mitaho nga positibong miresponde ang Financial Action
Task Force (FATF) sa mga inisyatibo sa kagamhanan sa Pilipinas nga pagpalig-on sa
iyang transparency and accountability mechanism sa mga tansaksyong pinansyal.
Ang
pahayag giluwatan ni Deputy Presidential spokesperson Abigail Valte sa usa ka pakighinabi
sa sibyaanang DZRB Radyo ng Bayan nga
gipanag-iya sa gobyerno, human migawas ang report nga wala na malakip ang Pilipinas
sa itomon nga listahan sa mga non-cooperative countries sa FATF).
Sa iyang sulat kang Presidente Benigno
Aquino III, gitaho ni Bangko Sentral ng Pilipinas Governor Armando Tetangco
Jr., sa iyang kapasidad isip Chairman sa AMLC nga giila sa FATF ang mga
repormang gipatuman sa kagamhanan aron maupgrade ang Pilipinas gikan sa dark
grey list sa iyang listahan sa grey list.
Sumala pa sa report ni Tatangco, partikular
nga nakita sa FATF ang pagkapasar sa duha ka balaodnon aron mahingpit nga
balaod- ang “An Act to Further Strengthen the Anti-Money Laundering Law” ug “Terrorism
Financing Prevention and Suppression Act of 2012” aron pagpalig-on sa kapabilidad
sa gobyerno nga mailhan ug masanta ang mga transaksyong-pinansyal nga dunay
kalabutan sa mga illegal nga kalihokan ug kadtong maghulga sa kalibutanong seguridad.
“Kining maong mga reporma maoy nakapahimo
sa Pilipinas nga mabutang ug mapaubos ito,on nga listahan nga magresulta sa mas
higpit nga pag-inspeksyon sa tanang mga transaksyong-pinansyal sa nasod,
kalangan sa mga remittances, ug mahal nga bayad sa mga tansaksyon,” matod pa ni
Valte.
Subling gipahayag ni Valte nga ang
transparency ug accountability mao ang usa sa nag-unang guiding principle sa
administrasyong Aquino.
“Ug samtang among giila ang panginahanglan
sa daghan pang angayng himoon aron
mapalig-on ang atong kasamtangang anti-money laundering and anti-financial terrorism
measures, among gidawat ang katagbawan sa FATF nga usa ka pag-ila sa mga
repormang institusyonal nga among gipatuman ug gipanalipdan,” matod pa ni
Valte.
Ang
Financial Action Task Force namugna atol sa gipahigayong G-7 Summit didto sa
Paris niadtong 1989 isip tubag sa nagakadaghang kaso sa money laundering. Ang
inter-governmental body nagtkada ug mga gabayan ug nag-promote sa epektibong
implementasyon sa legal, regulatory ug operational measures sa papgpakig-gubat
sa money-laundering, terrorist financing, ug uban pang hulga sa kalibutanong
sistemang pinansyal. (ATR/PCOO/PIA9-Zambo
Norte)
