ni Alfonso T. Ruda
DIPOLOG CITY, MAY
19(PIA)--- Ang
Bureau of Immigration nagpasidaan karon sa administrador ug registrar sa mga
tunghaan ug learning institution batok sa pagdawat ug mga langyaw nga walay
study permit o visa aron dili sila mag-atubang ug silot gumikan sa pagsupak sa
balaod sa imigrasyon sa nasod.
Sa
usa ka pahayag, si BI Commissioner Ricardo David Jr., nagkanayon nga ang mga
tunghaan nga modawat ug mga langyaw nga walay visa mawad-an ug otoridad nga
modawat ug mga langyawng estudiante ug pabayron ug 50 mil pesos nga multa o
kaha ang duha ka silot.
Matod
pa ni David, ang BI dunay otoridad nga mopahamtang sa maong penalidad subay sa
implementing rules sa Executive Order No. 285 nga nag-amendar sa gabayan alang
sa pagsulod ug pagpabilin sa mga langyawng estudiante dinhi sa Pilipinas.
Gipasidan-an
usab ni David ang mga tunghaan batok sa pagdawat ug mga estudianteng langyaw
kundili kini accredited o pagtugot gikan sa BI nga modawat ug mga langyawng
estudiante.
Sumala
pa sa record, aduna lamay kapin sa 1,300 ka mga tunghaan ug learning institutions
sa nasod ang dunay akreditasyon gikan sa BI nga makadawat ug langyawng mga estudiante.
Gibutyag
usab sa BI student desk nga miabot sa 40 mil ka individual ang nag-apply ug
special study permit (SSP) ug student visa niadtong miaging tuig.
Ang
SSP giisyo niadtong mga langyaw nga nagpangidaron ug ubos sa 18 anyos nga gustong
motungha sa elementarya, sekondarya ug tertiary level ug kadtong gustong mokuha
ug kurso nga dili moabot ug usa ka tuig.
Samtang
sa laing bahin, ang student visa giisyo niadtong nagpangidarong ug 18 anyos pataas
nga gustong motungha ug kurso labaw sa sekondarya sa mga unibersidad, seminaryo
ug kolehiyo.
Si
Atty. Cris Villalobos, pangulo sa BI Student Desk nagkanayon nga ang langyawng
estudiante dili mahimong mobalhin ug kurso o kaha mobalhin sa laing tunghaan
nga walay pagtugot gikan sa Commission on Higher Education (CHED) ug Department
of Education (DepEd).
Midugang
pa si Villalobos nga kinahanglan usab nga magtudlo ang tunghaan ug
representante nga motabang sa mga langyawng estudiante sa pag-apply ug visa o
SSP sa buhatan sa BI.
“Bugtong
ang mga tunghaan lamang nga dunay akreditasyon sa BI, Dept.of Education, Commission on Higher Education, Technical
Education and Skills Development Authority, ug Federation of Accrediting
Agencies ang dunay pagtugot nga makadawat ug langyawng estudiante,” matod pa
niya. (ATR/PCOO/PIA9-Zambo Norte)
