Ni Gideon C. Corgue
PAGADIAN CITY, April 13 (PIA) – Ang Armadong Kusog sa Pilpinas miotaho nga walay sanga sa serbnisyo sa militar ang nahilambigit sa paglapas sa tawhanong katungod sa unang upat ka bulan sa tuig 2012.
Si Col. Arnulfo Burgos, Jr., ang tigpamaba sa AFP mihatag ning maong positibo nga kalamboan sa nagpadayon nga mga paningkamot sa military command pag-edukar ug pagbansay sa iyang mga sundalo pagpanalipod sa tawhanong katungod ug pagsunod sa international humanitarian law ug ang balaod.
Gawas niini, ang Armed Forces of the Philippines-Human Rights Office (AFP-HRO) ang gitahasan sa pagsusi sa mga taho sa kalapasan sa tawhanong katungod nga naglangkub sa mga kawani sa militar nga naduso sa Commission on Human Rights (CHR).
Aron pagsulbad ning maong panghitabo , ang AFPHRO mitukod sa sa Board of Inquiry kinsa gisuon sa battalion levels aron pagpahigayon sa imbistigasyon nga moaninaw sa mga taho sa CHR.
Ang AFPHRO misaad nga mopadayon sa iyang koordinasyon uban sa CHR aron pagsusi sa gidaghanon sa gikataho nga natalang kalapasan sa tawhanong katungod sa duha ka mga partido.
Si bisan kinsa nga sundalo sa dili maayong binuhatan ang pagasilotan pinaagi msa military justice system, apan ang AFP dili prosecutory body ug kini ang mohimo sa disciplinary actions sama sa pagtangtang sa serbisyo militar ug paghunong sa mga prebilihiyo niini.
Kung ang sundalo mohimo niini ang mosupak sa balaod sa militar, ang katapusan nga modesisyon ang gikan sa kinatas-an nga civilian court kinsa ang mopailawom sa tukamng proseso sa balaod. (GCC/PIA9-Zambosur)
