Aquino mipahayag nga ang kagamhanan mihimo sa ilang paningkamot nga mosulbad ang pagkalangan pagpadala ug saging sa People's Republic of China

Ni Gideon C. Corgue

PAGADIAN CITY, May 15 (PIA) – Si Presidente Benigno S. Aquino III mipahayag nga ang kagamhanan mihimo sa iyang mga paningkamot pagsulbad sa kalangan sa gipadala nga prutas sa nasud ilabi na ang saging ngadto sa  People’s Republic of China nagkanayon nga ang administrasyon tungod kay adunay dugang mga nasud nga mahimong mapadalhan sa mga nasangpit nga produkto.

Sa usa ka ambush interview sa iyang pagtambong sa Mindanao Rural Development Program 2 (MRDP2) People’s Organizations Congress sa Grand Ballroom sa Grand Regal Hotel, Lanang, Davao City, si Presidente Aquino nagkanayon nga adunay panginhanglan mapadala sa laing nasud ang pagpadala sa mga prutas sa nasud aron pagtanyag ug dugang mga kapilian alang sa pamatigayn sa katawhan sa maong sektor.

“Ang akong gihatag nga instructions sa mga hingtundang opisyal sa kagmahan gikan sa nakalabay nga tuig nga dugangan sa mga nasud nga padalhan nato aron dili kita nakatutuok sa usa ka nasud kung aduna silay problema gilayon maapektuhan ug dako ang atong industirya sa saging,” ang Presidente nagkanayon.

“Ang daghan nato nga saging ang maahiadto sa laing nasud. Busa importante nga atong usbon ang pagpadala sa laing nasud aron dili nakagapos sa desisyon sa usa ka nasud nga naapektuhan pag-ayo ang ang industriya,” dugang pagpasabot niya.

Si Agriculture Secretary Proceso Alcala, kinsa ang mitambong usab atol sa maong kalihokan, sa iyang kabahin nagkanayon ang panagsultihanay ang nagpadayon tali sa kagamhanan ug ang ilang Chinese counterparts aron paghatag pruweba nga ang prutas sa Pilipinas luwas ug gawasnon sa bisan unsa nga mga peste.

“Ning semanaha aduna kitay team nga moadto sa China ug magdala sila sa credential aron makaatubang sila sa atong pagbukas sa atong mga produkto sa exports. Sa samang higayon, kauban ang atong imbitasyon sa ilaha aron moadto ang delegasyon dinhi ug ilang susihon ang atong protocol. Ang mahinungdanon nga atong mapakita nga ang produkto nga atong ipadala dili lamang sa China kung dili sa ubang nasud nga walay peste,” matud pa ni Alcala.


Ang datus sa kagamhanan nagpadayag nga ang mga saging mao ang ikaduha nga dako nga agricultural commodity export sa nasud sunod sa lubi. Ang kinatibuk-ang bili sa pagpadala sa nakalbay nga tuig mikabat sa 470.96 millyones dolyares.


Ang mga taho nagpadayag nga ang gipadala nga prutas sa Pilipinas lakip na ang sagi gang nanglata sa mga pantalan sa China human ang kagamhanan sa China mitaho nga ning maong mga produtko ang nataptan sa mga peste. Ning maong mga pasangil sa kagamhanan sa China mao ang pagpatuman sa strikto nga quarantine inspections sa mga nasangpit nga produkto.


Ang People’s Republic of China mao ang ikaduha nga dako nga merkado sa saging sunod sa Japan.