Ni Alma L. Tingcang
MANILA, April 11 - - - Ang Pilipinas subling gipili alang sa laing duha ka ttuig nga termino ngadto sa United Nations Educational, Scientific and Cultural Organization (UNESCO) – usa ka ahensiya nga nagalihok aron mapaneguro nga ang marginalized nga katawhan sa tibuok kalibotan makabaton ug access sa bag-ong teknolohiya sa komunikasyon aron ilang gamiton alang sa pagpalambo sa ilang kahimtang.
Ang morepresentar niini mao si Secretary Herminio Coloma sa Presidential Communications Operations Office ug mosilbi sa duha ka tuig nga termino gikan sa 2012 ngadto sa tuig 2013 isip Bise-Presidente sa UNESCO Information for All Programme (IFAP) Council kauban ang representante gikan sa Austria ug Grenada.
Ang mga nasod nga miyembro sa IFAP mao ang Austria, Belgium, China, Colombia, Democratic Republic of Congo, Ehtiopia, Grenada, Indonesia. Iran, Israel, Kazakhstan, Kuwait, Latvia, Madagascar, Mali, Mongolia, Niger, Oman, Peru, Russian Federation, Ukraine, United Arab Emirates, United Republic of Tanzania ug Uruguay.
Napili usab ngadto sa IFAP Bureau ang Russian Federation isip presidente, Latvia, Oman ug Tanzania isip miyembro ug Colombia isip secretary. (ALT-PCOO/PIA9/Zambo Sur)
