Malakanyang nalipay sa travel poll ranking sa Pilipinas nga mao ang ikatulo nga pinakagamay nga walay pamatasan nga mulupyo

By: Gideon C. Corgue

PAGADIAN CITY, April 15 (PIA) – Ang Malakanyang nalipay sa botasyon nga gipahigayon sa travel search site nga nagtala sa Pilipinas isip ikatulo nga sa mga nasud nga adunay pinakagamay nga walay pamatasan  nga mga mulupyo sunod sa Brazil ug Caribbean.

Si Deputy Presidential Spokesperson Abigail Valte nagkanayon atol sa interview nga gisibya sa radio station dzRB Radyo ng Bayan ning Sabado nga ang botasyon gipahigayon sa travel search site, http://www.skyscanner.net.

"Kita ang naila sa tibuok kalbutan sa atong pagkamaabi-abihon ug pagkamatinahuron. Kini ang nakadawat sa atensyon sa tibuok kabutan," matud pa ni Valte.

Ang online voters, kinsa mibisita sa Skyscanner site aron pagpalit ug tickets o mopili sa ilang holiday destination, mitala sa Pilipinas isip ikatulo nga nasud nga adunay pinakagamay nga wala maayong pamatasan nga muluypo.

Ang survey nakadawat sa 1,200 ka mga responses, 65% gikan sa United Kingdom (UK) ug Ireland, ug ingon man sa Europe, North America ug Australia.

Ang Skyscanner mao ang leading travel search site sa Oropa nga naglihok sa 25 ka mga lingwahe nga adunay 25 milyones nga nagbisita ug sobra sa 11 milyones nga visitor matag-bulan. Aduna kini buhatan sa Edinburgh, Scotland ug Singapore. (GCC/PCOO/PIA9-ZamboSur)