Aquino miawhag sa mga Filipino nga mamalandong sa mga sakripisyo ni Hesukristo ug mohunahuna pagtabang sa uban

By: Gideon C. Corgue

PAGADIAN CITY, April 4 (PIA) –  Si Presidente Benigno S. Aquino III nanawagan sa mga Filipinos nga mamalandong ug motabang sa uban ug sun-on ang mga sakripisyo ni Hesukristo kinsa nagtanyag sa iyang kaugalingon nga kinabuhi sa krus aron pagluwas sa katawhan.

Sa ambush interview sa Araneta Center Bus Station Super Center Building sa Cubao, Quezon City ning Lunes Santo , si Presidente Aquino mipagula sa maong panawagan pag-awhag sa mga tawo aron pagsilbi sa ilang isig ka Filipino ug hatagan ug gibug-aton ang mga suliran sa uban aron nga matagbo ang matag-adlaw-adlaw nga mga hagit. 

Ang Hepe Ehekutibo nagkanayon nga atol sa  Balaanong Semana, ang kagamhanan magpadayon paghimutad sa kahimtang sa mga nagkalain-aling dapit aron paghatag kaseguruhan ug hamugaway nga pagbiyahe sa katawhan. 

“Niining balaanon nga semana, aduna lamang akoy Biyernes Santo isip adlaw sa akong pagpahulay . Kita ang maghimutad sa tanang mga biyahe aron paghatag kaseguruhan nga ang tanan mahidangat sa ilang mga hingtungdang destinasyon sa labing luwas, ug labing hamugay ug madali nga pag-abot,” matud pa ni Presidente Aquino.

Gidugtong pa niya nga siya ang mogahin sa iyang panahon uban sa iyang pamilya dihang sila ang motambong sa Misa sa Easter Sunday.

Si Presidente Aquino ang mibiya para sa Phenom Penh, Cambodia ning nakalabay nga Lunes sa gabii aron pagpakig-uban sa mga pangulo sa Association of Southeast Asian Nations (Asean) pagsaulog sa 45th foundation anniversary atol pagbukas sa 20th Asean Summit kagahapon Martes, April 3.