ZAMBOANGA CITY, Feb. 07 (PIA 9) - - El ofisina del Civil Service Commission (CSC) ya prinsipia ya risibi aplicación del aquellos quere saca el CSC Career Service professional y subprofessional examenacion- Papel y lápiz prueba.
Para na 2012, el fecha del conducto del examenacion ay marcao na Mayo Veintisiete (27) y Octubre Veintiuno (21) respectivamente.
Asegun na un Comunicado de prensa ya sale staba na CSC, interesao aplicante para na Mayo 27 examen ay puede man file di ila aplicación asta na Abril dose (12) mientras el aplicante para Octubre 21 examen ay puede man file na Mayo Veintiocho (28) asta Septiembre Sies (6).
Asegun na CSC , el ricibida del maga aplicación es base na gana-el-primero- que-llega o se llama “first-come-first-serve basis,” y hinde mas el CSC aceptar aplicantes incluso antes de la fecha límite si ya puede ya el opisina alcanza di ila quota.
Ta dale abiso el CSC na maga aplicantes para somete el acomplesao CS Form No. 100, cuatro piezas letrato recientes passport size con fondo blanco y name tag y original y foto copia de un valido I.D. (JPA/ PIA –ZBST)
