PAGADIAN CITY, Sept. 26 (PIA) -– Ang buhatan sa Department of Environment and Natural Resources (DENR) nakig-alayon sa mga kagamhanang (LGUs) sa pagpahigayon sa pagpatitulo sa yuta sa usa ka lakang aron mapasayon and pagproseso ug paghatag sa mga titulo sa yuta sa gitawag inalienable ug disposal nga yuta.
Matod pa ni DENR Secretary Ramon J.P. Paje ang maong tinguha makahatag usab ug oportunidad sa mga LGUs aron mohimo sa aktibong papel sa mga programa sa ahensiya. “Ang kagamhanang lokal adunay importanteng papel diha sa implementasyon sa mga nasudnong programa ug proyekto nga gitanyag sa Local Government Code, ug usa niini mao ang pagpatitulo sa mga yuta diin ang ilang tabang gikinahanglan pag-ayo ilabi na diha sa pagsulbat sa mga kalibog sa mga utlanan,” miingon si Paje.
Si Paje miingon the LGU-DENR partnership nagkinahanglan sa pagmugna sa gitawag composite land adjudication team nga gilangkoban sa usa ka deputy public land inspector (DPLI) kinsa molihok ubos sa pagsuta sa DENR land management officer (LMO) nga modestino sa mga kagamhanang lokal. Ang maong team motabang sa DENR sa pagpatitulo sa mga alienable ug disposable nga yuta sa mga siyudad ug munisipyo, dugtong pa ni Paje.
Ubos sa DENR Administrative Order No. 2011-06 nga gititulohan “Prescribing the guidelines for the implementation of public land titling,” ang tanan regional executive directors (REDs) sa maong buhatan gitugotan sa pagtudlo sa usa ka permanenteng opisyal sa LGU nga mo-assign sa programang pagpatitulo isip Deputy Public Land Inspectors (DPLI).
Ang nasangpit mando nagtanyag usab sa mosunod nga mga palakat diha sa pagtudlo sa DPLIs: a) ang LGU mosubmitir ug listahan sa mga nominante ug ang ilang nahitakdo nga katakus ngadto sa RED pinaagi sa community environment and natural resources officer (CENRO) ug provincial environment and natural resources officer (PENRO); b) ang CENRO ug PENRO mohimo sa tagsa-tagsa pagsusi sa listahan sa mga nominante ug mosubmitir sa ilang rekomendasyon sulod sa 15 ka mga adlaw; ug c) sa pagsubmitir sa listahan ug rekomendasyon ngadto sa RED, ang RED usab mohatag ug katungod sa pagpahigayon sa mga gikinahanglan mga pagbansay nga may kalimbigitan sa mga tulumanon, mando, katungod, mga katungdanan ug responsibilidad sa DPLIs.
Dugtong ni Paje ang mga responsibilidad ug katungod sa DPLI mahimong gamiton lang sa ilang tagsa-tagsa nga mga siyudad ug lungsod ubos sa ilang minandoan. (JPA/CAL/PIA9/Zambo Sur)
