ni Alfonso T. Ruda
DIPOLOG CITY, MARCH 15(PIA)---Bisan pa man sa panawagang paubsan ang Expanded Valued-Added Tax sa mga produktong petrolyo ngadto sa 10 porsiento, nagpabilin gihapong malig-on ang baruganan sa Malakanyang nga ipabilin kini sa 12 porsiento.
Sa gipahigayong press briefing sa Malakanyang kagahapon, ang tigpamaba sa palasyo nga si Edwin Lacierda nagkanayon nga ang kitaon gikan sa EVAT sa lana maoy gamiton aron pondohan ang nagkalain-laing proyekto sa gobyerno para sa mga kabus nga mga Filipino.
“Kinahanglanon gyud ang buhis. Bisan ug lahi ang sitwasyon niadto kay sa karon, kinahanglanon gihapon nato ang maong buhis aron padayon natong mapondohan ang mga programa sa gobyerno,” matod pa ni Lacierda.
Iya usab nga gisumbalikan ang mga pagsaway sa mga programa sa gobyerno para sa mga kabus sama sa Conditional Cash Transfer Program wala na magkinahanglan ug EVAT sanglit duna man kiniy laing tinubdan sa pondo gikan sa gawas sa nasod.
“Kabahin sa Conditional Cash Transfer Program, gusto lang namong ipahibalo nga amo na karong gisilbihan ang 3-ka milyon ka mga pamilyang-benepisyaryo gikan loan sa World Bank-Asian Development Bank. Sa maong gidaghanon, Busa, ang 2.1 milyones ka mga pamilya ang gipondohan sa atong GAA kon General Appropriations Act,” patin-aw pa ni Lacierda.atong utang sa gawas. Busa bayaran gyud nato ang maong utang, ug kuwarta usab sa gobyerno ang iobayad niini,” dugang pa ni Lacierda.
Gikutlo usab ni Lacierda ang pahayag ni Finance Secretary Cesar Purisima, kinsa mihatag ug gibug-aton sa panginahanglan sa EVAT sa lana isip tipik sa gibasehan sa kita sa gobyerno.
“Kinahanglan natong ipadayon ang pagmugna ug revenue base imbis nga paatras kita. Pinaagi niini, padayong moubos ang atong paghulam nga makamugna ug dakong ispasyo para sa social investment. Kana ang rason ni Purisima,” matod pa ni Purisima.(ATR/PCOO/PIA9-Zambo Norte)
