Ni Alfonso T. Ruda
DIPOLOG CITY, JULY
27(PIA)--- Gimanduan
ni Presidente Benigno Aquino III sila si Budget Secretary Florencio Abad ug
COMELEC Commissioner Sixto Brillantes nga hatagan ug taas nga panahon ang
pagtuki sa budgetary requirements sa Commission on Elections aron masiguro nga
mahinayon ang piniliay sa 2013 nga walay kakulian.
Sa
gipahigayong press conference human nga iyang gipangunahan ang ika-114 nga Founding
Anniversary sa Departamento sa Kalihokang Langyaw sa Dakbayan sa Pasay niadtong
Huwebes, ang Presidente miingon nga ang pag-angal ni Brillantes sa dakong bahin
nga gikuha gikan sa pahat sa COMELEC sa 2013 General Appropriations Act maresulba
pinaagi sa pagpahigayon ug diskusyon uban kang Abad.
“Nagtoo
ako nga kinahanglang magkasulti ang Kalihim sa Budget ug si Comelec Chairman Brillantes para magkatugma ang atong
panginahanglan ug gastuhon sa maong panginahanglan,” matod pa ni Presidente
Aquino.
Murag
kulang gamay ang diyalogo. Ako, anad namang mahimong referee. Atong pa-istoryahon
ang duha,” matod pa sa Presidente.
Gihatagan
ug punto ni Presidente Aquino nga kon mapatin-aw sa COMELEC ang panginahanglan
sa dugang pondo, buhaton sa gobyerno ang tanan sulod sa iyang gahum nga ihatag
ang iyang gikinahanglan.
“Atong
obligasyon ang pagpahigayon ug malinawon ug katuhoang eleksyon sunod tuig.
Hatagan nato ug tukmang kagamitan ang mga nanginahanglan,” matod pa sa
Presidente.
Kung
makita gyud nga dunay kakulangan sa pondo, mangita kitag paagi nga ato kining madugangan,”
pahayag pa ni Presidente Aquino.(ATR/PCOO/PIA9-Zambo
Norte
