Presidente Aquino mangulo sa pagsaulog sa Independence Day sa Barasoain Church

Ni Gideon C. Corgue

PAGADIAN CITY, June 9 (PIA) –An mga Bulakenyos gibati uG dakong garbo dihang ang mga opsiyal sa kagamhanan mipahibalo ning Biyernes nga si Presidente Benigno S. Aquino III ang motambong pagsaulog sa ika-114t nga anibersaryo sa Philippine Independence sa maksaysayanon nga Barasoain Church dakbayan sa Malolos karong Hunyo 12.


Si Dr. Maria Serena I. Diokno, chairman sa National Historical Commission of the Philippines nagkanayon nga ang hepe ehekutibo mangulo sa dungan nga pagpataas sa bandila sa Pilipinas  sa Barasoain Church nga pagasundan kini sa wreath laying ceremony sa estatuwa ni Gen. Emilio Aguinaldo, presidente First Philippine Republic.


Matud pa niya nga ang programa usa ka yano apan talahuron  nga magsugod sa arrival honors alang ni Presidente Aquino alas 8:00 ang takna sa buntag.


Si Diokno mihimo sa maong pagpahibalo atol sa Talakayang Bulakenyo nga hiniusa gipahigayon sa Philippines Information Agency (PIA) ug Provincial Public Affairs Office (PPAO) sa Hiyas ng Bulacan Convention Center.


Matud pa niya nga ang tema karong tuiga mao ang “ Kalayaan: Pananagutan ng Bayan para sa Tuwid na Daan” ang nahisubay sa programa sa maayong pangagamhanan sa administrasyon ug pagwagtang sa pangurakot sa kagamhanan.


Si Governor Wilhelmino M. Sy-Alvarado nagkanayon nga kini mao ang una nga higayon nga ang pinakataas nga opisyal sa Republika molsamot sa kasaulugan sa Independence Day makasysayanon nga Barasoain church.


“Panahon na nga ang makasaysayanong kalihokan ug ang mahinungdanon nga Barasoain ang giila. Kung wala ang Barasoain Church, walay pag-uyon ug deklarasyon sa kagawasan sa Kawit, Cavite sa Hunyo 12, 1898. Ani nga simbahan diin ang una nga  ang Batakang Balaod namugna nga nagpahimugso sa demokrasya sa Asia ug Africa regions,” matud pa ni Alvarado.


Gipasabot ni Alvarado nga ang Barasoain Church mao ang tipik sa tulo ka mga makasaysaynanon nga dapit diin ang hiniusa nga pagpataas sa nasudnong bandila ipahigayon sa Independence Day. (GCC/PCOO/PIA9 Zambosur)