ni
Franklin P. Gumapon
DIPOLOG CITY, June 11 (PIA) - - Nakadayeg karong bag-o ang Estados Unidos
sa gipakitang diplomasya nga pamaagi ni Pangulong Benigno Simeon C. Aquino III
sa panagbangi kaban sa Scarborough reef tali sa mga nasud sa Pilipinas ug China.
Gipasabot ni US Secretary of State Hillary Clinton atol sa usa ka
paniudto kauban ni Pangulong Aquino ang pagkamahinungdanon sa usa ka diplomatic
dialogue tali sa Pilipinas ug China aron masulbad ang panagbangi sa
scarbourough shoals.
Matud pa ni Clinton nga ang Amerika sa kanunay supak nga adunay mogamit
ug pwersa arun makuha ang ilang tuyo uban sa pag-ingon nga ilang ipadayon ang
pagsubay sa maong sitwasyon.
Giaw-hag usab ni Clinton ang Association of Southeast Asian Nations
(ASEAN)ug sa Peopl’es Republic of China nga ilang masulbad ang mga panagbangi
sa utlanan sa kadagatan sa South China Sea.
Gipasalig ni Clinton nga magpadayon ang konsultasyon tali Pilipinas ug
Amerika tali sa mga regional issues apan iyang giklaro nga walay dapigan ang
Amerika sa territorial claims sa South China Sea.
Ang tuyo lamang sa Amerika mao nga makabaton ug malungtarong kalinaw,
libre nga paglawig sa kadagatan, pagtahud sa international law, ug padayong
dagan sa negosyo diha sa South China Sea. (FPG/PCOO/PIA-Zamboanga del Norte)