ni Alfonso T. Ruda
DIPOLOG CITY, JUNE
10(PIA)--- Nakigtambayayong
karon ang Kagamhanang-Aquino sa nagkalain-laing stakeholders ug private
advocacy groups aron batukan ang nagakadaghang kaso sa Human Immunodeficiency
Virus/acquired immune deficiency syndrome (HIV/AIDS) dinhi sa Pilipinas.
Si
Deputy Presidential Spokesperson Abigail Valte, sa usa ka pakighinabi sa
sbiyaanan sa radyong DZRB, Radyo ng Bayan niadtong Sabado nagkanayon nga
nagpabiling determinado ang gobyerno nga santaon ang pagkaylap sa HIV-AIDS
pinaagi sa mas “focused ug
multi-sectoral approach” ug episyenting implementasyon sa “prevention and control programs.”
Sayo
niini, gilusad na sa Department of Health ang information drive aron tudloan
ang publiko kabahin sa peligrosong epekto sa HIV-ADS ug ang posibling paagi nga
malikayang mabiktima sa HIV-ADS.
“Hugtanon
karong naglihok ang DOH dili lamang uban sa mga Kagamnhanang-lokal kundili
hangtud na sa nagkalain-laing stakeholders may kalabutan niining maong isyo. Daghan
naman gong pribadong grupo ug kini ang ilang adbokasiya ug ang DOH hugtanong
naglihok uban kanila aron masanta ang pagdaghan sa kaso sa HIV-AIDS,” matod pa
ni Valte.
Matod
pa ni Valte, ang ubang ahensiya sa gobyerno naglusad na usab ug nagkalain-laing mga kalihokan nga
nagtumong nga masanta ang HIV-ADS ug mga community home-based care and support
programs aron maabot ang mas daghang tawo nga posibling mataptan ug HIV-AIDS.(ATR/PCOO/PIA9Zambo Norte)
