INFORMATION BLITZ: Paalala sa mga OFW-members ng PhilHealth: Ang PhilHealth membership and contribution ay MANDATORY ayon sa batas kaya magpamiyembro at magbayad ng kontribusyon bago umalis ng bansa. Seguraduhin ang proteksyon ng kalusugan ng iyong sarili at pamilya.

Monday, June 11, 2012

43,000 bakanteng trabaho atol sa Hunyo 12, 2012 nga Kalayaan job fair

Ni Gideon C. Corgue

PAGADIAN CITY, June 11 (PIA) –Mokabat 43,000 nga mga trabaho ang bakante sa 2012 Kalayaan Job Fair nga gipasiugdahan sa Department of Labor and Employment karong Hunyo 12 sa Rizal Park, Manila.


Si Labor Secretary Rosalinda Baldoz nagkanayon 143 nga kompanya ang mosalmot sa maong job fair.


Matud pa ni Baldoz 113 nga local employers nagtanyag sa mokabat 33,000 lokal nga mga trabaho, samtang 30 niini ang land-based ug sea-based licensed overseas recruitment agencies nga magdala sa 10,000 overseas job opportunities.


Kasagaran sa mga lokal nga bakanteng trabaho alang sa professional ug technical-vocational workers, matud pa niya.


Ang overseas jobs naglakip sa mga bakante sa nurses, physical therapists, ug tanang matang sa engineers, construction workers, welders, CAD draftsmen, safety and health officers, cooks, architects, painters, 3D animators, landscapers, quality control inspectors, dental, laboratory ug X-ray technicians, hotel workers, ug drivers.


Ang Philippine National Police (PNP), kinsa mosalmot sa job fair nagtanyag sa 3,000 nga bakante alang sa dugang personahe.


Si Baldoz miawhag sa mga job applicants nga mag-andam sa ilang  photo copies sa ilang employment documents.


Samtang, ang  Technical Education and Skills Development Authority (TESDA) ang magpahigayon ug demonstration sa bartending ug motanyag ug libre haircuts ug masahe. (GCC/PCOO/PIA9-ZamboSur)
Posted by at