ni Alfonso T. Ruda
DIPOLOG CITY, MAY
4(PIA)---
Nagkahiusa karon ang mga hingtungdang ahensiya sa gobyerno aron matubag ang
pagpayuhot ug karneng baboy dinhi sa nasod, sumala pa sa usa ka opisyal sa
Palasyo..
Ang
tigpamaba sa Malakanyang nga si Edwin Lacierda miluwat sa maong pahayag sa regular
nga press briefing sa Malakanyang kagahapon human migawas ang taho nga pipila
ka mga hog raisers ang nakatakdang magpahigayon ug usa-ka semanang “pork holiday”
aron i-protesta ang pagpayuhot ug karneng baboy.
Matod
pa ni Lacierda, ang Department of Agriculture, Dept. of Finance, Bureau of
Customs ug uban pang hingtungdang ahensiya sa gobyerno nagsugod na ug
implementar ug mga lakang aron masumpo ang gikatahong technical smuggling.
Si
Agriculture Sec. Proceso Alcala nakatakdang usab makigtagbo sa mga hog ug
poultry raisers aron matubag ang maong problema. Gimanduan na ni Alcala ang
National Meat Inspection Service (NMIS) nga susihon ang mga merkado aron makompiska
ang mga gipayuhot nga karne.
Gawas
sa smuggling, gireklamo usab sa mga hog raisers ang importasyon sa karneng baboy
nga naka-apektar na sa 20 porsiento sa mga nagbuhi ug baboy sulod lamang sa 3
ka tuig. Matod pa sa mga nagreklamo, kining maong kalambuan maoy nagpugos sa
gagmayng mga mag-uuma nga suspendihon o kaha undangan ang ilang operasyon.
Si
Lacierda mipasalig nga tubagon sa administrasyong Aquino ang nag-unang
panginahanglan ug problema sa mga nagbuhi ug baboy ug nagprodyus ug karneng
baboy.
“Among
gipasalig sa mga walay pagkulang sa karneng baboy,” matod pa niya.
Sayo
niini, si Presidente Aquino miingon nga ang gobyerno ug mga stakeholders sa
industriya, uban sa mga mag-uuma kinahanglang maghiusa aron makuhaan ang gasto
sa pagprodyus ug baboy, ilabi na ang gasto sa pagkaon sa hayop ug ang nag-unang
kinahanglanon niini, ang yellow corn aron himoong competitive ang industriya sa
baboy sa merkado sa gawas sa nasod.
Sumala
pa sa Presidente, ang mga nagbuhi ug baboy kinahanglang dunay direktang kontak
o partnership agreement uban sa mga mag-uuma ug mais ug iyang gipasalig ang
padayong tabang sa gobyerno pinaagi sa pagpatuman ug tukmang mga polisiya.
Ang
Presidente usab miingon nga mahimong makapahimulos ang mga nagbuhi ug sa
gikinahanglang kapital gikan sa Agricultural Competitive Enhancement Fund.(ATR/PCOO/PIA9-Zambo Norte)
