Ni Alma L. Tingcang
MANILA, May 9
- - - Ang maayong pangagamhanan, nga maoy prinsipyo nga nagagiya sa kagamhanang
Aquino nagseguro nga ang public-private nga kasabotan makabenepisyo sa tanan
ingon man mapanalipdan ang interes sa katawhan.
Si Socio-Economic
Planning Secretary ug NEDA Director-General Cayetano W. Paderanga Jr., atol sa ika-45
nga Annual Meeting sa Board of Governors sa Asian Development Bank (ADB)
miingon nga dako ug kalamboan ang atong nasod diha sa natad sa pang-gobyerno
sukad sa paglingkod ni Presidente Benigno Aquino III niadtong tuig 2010.
Gipangulohan
sa presidente and pagbukas sa maong panagtigom niadtong nakalabay nga
semana ug gipasalamatan ang mga
financial institution tungod sa mapadayonong tabang ngadto sa nasod aron
pagbatok sa kalisod ug pagduso sa mga reporma.
Ang
Pilipinas, matod pa ni Paderanga, dako ug kalamboan diha sa competitiveness
ranking base sa Transparency International Corruption Perception Index ingon
man sa World Economic Forum Competitiveness Rankings.
Tungod sa
kasamtangang ranking sa nasod, giisip na karon ang Pilipinas nga usa ka
mausbawong ekonomikanhong merkado sa rehiyon ug usa ka maimpuwensiyang
ekonomiya sa umaabot nga tuig, si Paderanga nagkanayon.
Ang potensiyal
sa nasod anaa makita diha sa mausbawong agribusiness, business process
outsourcing ug turismo.
Ang
Public-Private Partnership (PPP) nga gipangunahan sa kagamhanang Aquino giila
sa mga eksperto nga maoy pamaagi sa kausaban ug kalamboan sa nasod. (PCOO/ALT/PIA9-Zambo Sur)
