ni Alfonso T. Ruda
DIPOLOG CITY, MAY 9(PIA)--- Malipayong gidawat sa
administrasyong Aquino ang disisyon sa Ubos Balay-Balaoranan nga paghatag ug prayoridad sa human resource
development ug proteksyon sa kinaiyahan, sumala pa sa usa ka opisyal sa
Malakanyang.
Giluwatan
ni Deputy Presidential spokesperson Abigail Valte ang pahayag sa gipahigayong
press briefing sa Malakanyang niadtong Martes human gipahayag ni House Speaker
Feliciano Belmonte nga determinado ang mga magbabalaod nga magpadas-og ug mga
bag-ong balaodnon ug kalambuan sa kasamtangang mga balaod aron i-promote ang
tawhanong kalambuan, ilabi na sa nagtrabahong kusog.
“Among
giila ang kagawasan sa House Speaker ug lider sa Mayoriya, pa-abot na sa diskusyon
sa nakapending nga mga balaodnon,” matod pa ni Valte.
Niadtong
Agosto 2011, gipresentar ni Presidente Benigno Aquino III ang 13 ka mga dugang
priority bills ngadto sa mga membro sa Legislative-Executive Development Council
kon LEDAC sa tinguhang mapadayon ang gipatumang mga reporma. Ang sugyot
nakasentro sa tawhanong kalambuan, inprastaktura, ekonomikanhong kalambuan,
soberinya, seguridad ug maayong pang-gobyerno.
Ang
13 ka mga gisugyot nga balaodnon, dili pa lakip sa unang 22 ka mga balaodnon
nga gisumitir sa unang miting sa LEDAC niadtong Pebrero 2011 nahasubay sa
polisiya sa administrasyong Aquino base sa nahan-ay sa Philippine Development
Plan padulong sa katumanan sa 16-point agenda sa administrasyong Aquino nga mao
ang social contract sa Presidente uban sa katawhang Filipinhon.
“Gusto
lang nakong hisgutan nga dunay mga eckonomikanhong balaodnon nga lakip na sa priority
bills nga naduso sa Ehikutibo,” dugang pa ni Valte.
Niadtong
Lunes, Mayo 7, mibalik na ang sisyon sa kongreso.
“Bisan
ug padayon natong tutukan ang mga reporma para sa maayong pang-gobyerno, dili
usab nato kalimtan ang pagpalig-on sa atong nasudnong polisiya sa pagpalambo sa
tawo, pagpromote sa investment ug pagpanalipod sa kinaiyahan,” matod pa ni
Felmonte sa usa ka pahayag.
Lakip
sa 13 ka mga bag-ong balaodnon nga gisugyot sa administrasyong Aquino naglakip
sa tukmang proteksyon alang sa mga katabang sa panimalay, pagpalapad sa science
and Technology scholarship program, kausaban sa Rural Electrification Law, Sin
Tax, kausaban sa Human Security Act, Data Privacy Act u gang Repreoductive
Health Bill.
Ang
sugyot usab sa Presidente naglakip sa expanded consumer protection, re-organization
sa Philippine statistical system, kausaban sa balaod sa PTV4, probisyon para sa
delineation of the specific forest limits of public domain, mas bug-at nga
silot sa pagpangawat ug pagtamper sa mga risk reduction and preparedness
equipment sa gobyerno, ug ang kusaban sa Lina Law kon Urban Development Housing
Act of 1992.(ATR/PCOO/PIA9-Zambo Norte)
