ni Alfonso T. Ruda
DIPOLOG CITY, MAY
12(PIA)---Nakatakdang
sertipikahan ni Presidente Benigno Aquino III nga urgent kon dinalian ang resolusyon
nga gipasar sa senado ug kongreso nga nanawagan sa Commission on Election
(COMELEC) nga ibasura ang kasamtangang listahan sa mga botante sa Autonomous Region
in Muslim Mindanao (ARMM) ug magpahigayon ug bag-ong rehistrasyon sa mga botante
sa rehiyon.
Ang
electoral integrity measure nagtumong nga makab-ot ang matinud-anob ug
katuhoang eleksyon sa ARMM, matod pa ni Presidential spokesperson Edwin Lacierda.
Matod
pa ni Lacierda, hingpit nga gi-uyonan sa administrasyong Aquino sila si Senador
Franklin Drilon, Aquilino Pimentel III ug 16 pa ka mga senador, kinsa pinaagi
sa resolusyon numero 17, nanawagan sa COMELEC nga magpahigayon ug bag-ong
rehistrasyon sa mga botante sa ARMM.
“Si
Presidente Aquino makanunayon ug hugtanong nanawagan sa bag-ong pahina sa
kasaysayan sa ARMM. Ang kamang-bato sa maayong pang-gobyerno maoy klaro ug makakumbinsing
mandatu nga mahitabo lamang kon masiguro ang kredibilidad sa eleksyon ug kon
kumbinsido ang katawhan sa ARMM nga usa lang ka boto ang nagagikan sa matag
tawo,” matod pa ni Lacierda
Gidawat
usab ni Lacierda ang disisyon sa Ubos Bnalay-Balaoranan nga aprobahan ang joint
resolution no. 29. “Ang pagpasar sa Joint
Resolution No. 29 naghiusa niini sa tumong ug katuyoan sa senado nga manduan
ang COMELEC nga magpahigayon ug bag-ong rehistrasyon sa mga botante sa ARMM,” dugang
pa ni Lacierda.
“Ang
Ehikutibo ug Lehislatibong sanga sa gobyerno nagkahiusa sa pagresulbar niining
makasaysayanong kahigayonan para sa integridad sa eleksyon nga mogamot sa
rehiyon. Ang kamang-bato sa usa ka representanteng gobyenro mao ang kagawasan
sa pagboto diin ang sistema sa piniliay gisiguro sa listahan sa mga botante
uban ang tinuod nga tawo nga gihatagan ug gahom nga mohatag sa ilang boto sa usa
ka matinud-anon ug katuhoang eleksyon,” matod pa ni Lacierda.(ATR/PCOO/PIA9-Zambo Norte)
