Aquino midawat sa World Bank officials sa Malakanyang

By: Gideon C. Corgue

PAGADIAN CITY, May 8 (PIA) – Ang mga opisyal sa World Bank nakigtagbo uban kang Presidente Benigno S. Aquino III atol sa courtesy call ning Martes sa Malacanang Music Room.

Tipik sa mga opisyal sa World Bank nga nakigtagbo sa Presidente naglkip nila ni Perla Cox, vice president sa East Asia and the Pacific Region; Motoo Konishi, country director for the Philippines; Alejandro Cedeno, special assistant to the vice president; and Carl Hanton, communications manager.

Niadtong Desyembre 31, 2011 ang koleksyon sa Pilipinas mikabat ngadto sa $1.8 bilyones alang sa 25 nga aktibo nga mga proyekto. Ang mga sektor nga nakabenepesyo gikan sa mga proyekto nga giusportahan sa World Bank sa Pilipinas naglangkub sa infrastructure, social protection, health, basic education, rural development ug environment.

Ang World Bank, usa ka mahinungdanon nga tibubdan sa financial ug  technical assistance sa mga magmauswagong nasud sama sa Pilipinas, ang mga kaabag uban sa mga nagkalainlaing nasud aron pagkunhod sa kawad-on ug mapaabante ang kalamboan.

Gawas sa pagtanyag sa ubos nga tubo sa pahulam, kini ang nakig-alayon sa pagpahulam sa salapi pinaagi sa trust fund partnerships uban ang bilateral ug multilateral donors. Kini usab ang moayuda sa mga magmauswagon nga mga nasud pinaagi pagtanyag kanila sa policy advice, research ug analysis  ug ingon man lakip na ang technical assistance.

Natukod niadtong 1944, ang  World Bank nahimutang sa Washington, D.C. ug adunay sobra sa 9,000 nga mga kawani sa sobra sa 100 nga mga buhatan sa tibuok kalibutan.

Nakig-uban sa Presidente atol sa  courtesy call mao sila si Budget Secretary Florencio Abad ug Finance Secretary Cesar Purisima.