Ni Gideon C. Corgue
Alcala nanawagan alang sa hugot nga pag-inspeksyon sa ipadala sa gawas nga mga saging ug pinya human nga ang
Atol sa press briefing ning Huwebes sa DA central office sa dakbayan sa Quezon, si Alcala nagkanayon nga kini ang motukod ug Task Force nga mohimutad ug mosusi sa mga kargamento sa saging ug pinya nga ipadala sa laing nasud lakip na ang China.
Gidugtong pa niya nga ang mga ginsakpan sa Task Force kung gikinahanglan mokuyog sa pagpadala sa kargamento aron paghimutad sa quarantine procedures sa iyang destinasyon.
“Dili kita makiglalis sa pamahayag sa China'nga sila ang nakamatikod sa mga peste gikan sa atong gipadala nga mga saging. Busa ang ato lamang mabuhat mao ang pagpagula ug mando uban sa DTI (Department of Trade and Industry) pagmugna ug Task Force nga mohimutad sa atong ipadala nga mga saging ug pinya sa China, paghugot sa mga kalagdaan sa dili pa ipagdala,” matud pa ni Alcala.
Giangkon ni Alcala nga ang industriya sa saging adunay dako nga kaakuhan sa kalamboan sa ekonomiya ug nangita pamaagi nga masulbad ang suliran pinaagi sa pagpangita ug potensyal nga mga nasud nga diin ilang mapadal-an sa mga saging.
Matud pa ni Alcala nga atong gihigpitan usab ang mga pamaagi sa pagpadala sa mga sanging lakip na ang mga pinya sanglit ang China mao ang pinakadako nga konsuante sa saging nga Cavendish sa Pilipinas.
Gidugtong pa ni Alcala nga sila ang nagtrabaho uban sa DTI, Bureau of Plant Industry, Chinese Embassy ug sa Philippine Embassy aron masulbad ang bag-o nga isyu ug gilayon mapatuman ang stikto nga inspeksyon sa mga produktong saging ug pinyaaron paghatag kaseguruhan sa ubang mga nasud sa dekaledad nga produkto lakip na ang mga saging. (GCC/PNA/PIA9-Zambosur)
