By: Gideon C. Corgue
PAGADIAN CITY, May 5 (PIA)
– Si Presidente
Benigno S. Aquino III nakigpulong atol sa binuksan nga seremonya ning Biyernes
sa Asian Development Bank 45th Annual Meeting sa Board of Governors ug
nagpadayag sa iyang pasalamat sa nagpadayon nga suporta sa financial
institution sa atong nasud.
Sa iyang mensahe atol tinuig nga panagtigum sa ADB sa Philippine International Convention Center (PICC) dakbayan sa Pasay, ang Presidente mipadayag sa iyang mga lakang sa reporma sa iyang administrasyon nga iyang gipatuman nga nakahatag benepesyo sa daghan nga mga Filipino ilabi na ang mga kabus.
PInaagi ning maong mga lakang ang iyang kagamhanan ang mipalig-on
sa pamuhunang sosyal ug pang-imprastraktura, mopalambo sa mga tawhanong
kahinungaan, ug pagpaauswag sa budget sa education ug health care.
Atol sa pasiuna nga panahon sa iyang bag-o nga administrasyon, ang
Presidente nagkanayon nga sila ang nakahatag ug daghan nga mga kahinguhaan
ngadto sa mga kabus.
“Ang conditional cash transfer program sa kagamhanan nakasinati sa
dul-an sa upat ka pilo-pilo nga pag-uswag sa nakalabay nga duha ka tuig gikan
sa P10 bilyones sa 2010 nga nakahatag
serbisyo sa 800,000 nga mga pamilya ngadto sa P39.4 bilyones ning tuiga sa
sobra sa tulo ka milyones nga pamilya. Kining tanan ang
nahimo nga walay pagtaas sa mga buhis,” matud pa sa Presidente.
“ Kining mga
salapi nga gipauswag niadtong gusto nga mopaambit sa atong damgo sa
magmauswagon nga Pilipinas. Ang
hinabang sa Asian Development Bank nga Official Development Assistance (ODA) ngadto
sa Pilipinas nagbili sa $761.97 milyones,”
dugtong pa niya.
Kini ang naglangkub sa $643.85 milyones sa mga proyekto nga
naglangkub sa social protection ug suporta sa repormang agraryo; imprastraktura,
ug utang alang sa maayong panglawas ug irigasyon sa habagatang Pilipinas, matud
pa sa Presidente.
Ang hepe ehekutibo mihisgot usab sa pagsalmot sa ADB sa Public-Private Partnership Program ug
ang mg apaningkamot sa kagamhanan pag-usab sa sistema sa hustisya ug pagpatuman
sa energy-efficient electric tricycle project. Ang kagamhanan nagsugod pagkab-ot
sa iyang tumong tungod sa tabang sa, matud pa niya.
Lakip na nga miduyog sa Presidente naglangkub nila ni Bise Presidente
Jejomar Binay, House Speaker Feliciano Belmonte, ADB President Haruhiko Kuroda,
Finance Secretary Cesar Purisima ug Bangko Sentral ng Pilipinas Gov. Amando
Tetangco Jr (GCC/PCOO/PIA9-Zambosur)
