ni Alfonso T. Ruda
DIPOLOG CITY, APR.
28(PIA)---Gipadayon
karon sa administrasyong Aquino ang mga reporma sa edukasyon uban ang
pagpalambo sa ekonomiya aron pagmugna ug kahigayonan sa panarbaho sa mga
Filipinong motapos sa ilang pagtungha, matod pa ni Executive Sec. Paquito
Ochoa, Jr.
Sa
iyang pagpakigpulong sa gipahigayong Commencement Exercises sa Quezon City
Polytechnic University, si Ochoa miingon nga ang pagmugna ug maayong klima sa
patigayon ug pagpatuman ug mga reporma sa edukasyon mao ang nag-unang
prayoridad ni Presidente Benigno Aquino III aron pag-armas ug paghatag ug gahum
sa mga batan-on pagsagubang sa mga hagit sa kinabuhi sa umaabot nga mga adlaw.
Usa
sa mga reporma nga gihinganlan ni Ochoa mao ang Kindergarten to Year 12 kon
K+12 Program sa Departamento sa Edukasyon, ang flagship program sa edukasyon
nga gilusad sa Presidente niadtong Martes (Abril 24) nga nagtumong sa pagpalambo
sa edukasyon sa nasod ug paghatag ug kasayon niadtong motapos sa sekondarya nga
makasulod ug trabaho.
“Ilalom
sa liderato ni Presidente Aquino, himoon sa gobyerno ang tanan aron tabangan
ang mga batan-on nga mas mahimong andam pag-atubang sa mga hagit ugma damlag,”
matod pa ni Ochoa.
“Ang
pagdugang ug duha ka tuig sa basic education sa nasod, maoy magdugang sa
kapabilidad sa mga estudiante kinsa gusto nang manarbaho pagkahuman sa
sekondarya,” dugang pa ni Ochoa.
Giingnan
pa ni Ochoa ang mga migradwar sa QCPU nga gawas sa mga reporma sa edukasyon,
gipadayon usab sa gobyerno ang mga lakang nga mapalambo ang ekonomiya aron
madugangan ang kahigayonan ug trabaho sa mga estudiante, sa higayong makatapos
na sila sa ilang pagtoon.
Ang
maong matang sa inisyatibo nagbunga ug maayong resulta sa ekonomiya, matod pa
ni Ochoa ug usa na niini mao ang stock market nga mirehistro na usab ug laing
labing taas niadtong Miyerkules (Abril 25).
Iya
usab nga giingnan ang mga nagtapos nga niadtong 2011, ang naaprobahang foreign
direct investment mitubo ug 30.6 porsiento ngadto sa P256.1 bilyones- ang
labing taas nga natala sulod sa nakalabay nga 16 ka tuig.
Ang
electronics industry nga mao ang usa sa nag-unang exporter, nakahatag ug
daghang trabaho niadtong miaging tuig uban ang trabaho nga misaka ug 6
porsiento ngadto sa 530 mil niadtong 2011 kumpara sa naunang tuig. Sa
kinatibuk-an, matod pa ni Ochoa, diin ang Department of Labor and Employment
mitaho ug kinatibuk-ang 1.1 milyones ka namugnang bag-ong trabaho niadtdong
miaging tuig.
“Kining labing ulahing kalambuan, nagpakita
lamang nga ang gobyerno nagmalampuson sa pagpalambo sa investment ug klima sa
patigayon aron atong madani ang dugang
mga investors ug makamugna kita ug dugang bag-ong trabaho,” matod pa ni Ochoa.
Kini
maoy makapadasig nga mga timailhan ug usa ka pananglitan kon giunsa pagtabangsa
gobyerno ang inyong mga ginikanan nga mahatagan ang mga batan-ong lalaki ug
babaye sama kaninyo ug kahigayonan ug maayong kinabuhi. Apan sama sa kadaghanan
sa mga kahigayonan- mahimo lang kining ihatag ug anaa na kanato nga pahimuslan
kining maong kahigayonan,” panapos pa ni Ochoa.(ATR/PCOO/PIA9-Zambo Norte)
