Palasyo mihatag kasegurahan sa katawhan ug turista sa commitment sa kagamhanan ni Aquino paghatag kanila ug seguridad

By Gideon C. Corgue

PAGADIAN CITY, April 8— Ang Malakanyang ning Domingo mihatag kaseguruhan  sa katawhang Filipino ug mga turista nga ang administrasyon ni Presidente Benigno S. Aquino III nagpabilin nga komitado paghatag kaayuha ug kaluwasan tungod sa duha ka mga pagbuto nmga nahitabo sa isla sa Palawan ning Lunes.

Ang una nga pagbuto nahitabo sa Entalula Beach Resort sa El Nido, Palawan ug sa alas 5:20 ang takna sa hapon migunsdan sa ikaduha nga pagbuto, ug 10 minutos nakalabay sa Puerto Royal Express bus station sa Barangay San Jose, Puerto Princesa City.

Si Aiza Gay Martinez Mallari, 23, kusinera sa resort ug Marivic Aria, 28, ug Cenon Magdayo, 75 anyos kinsa ang anaa sa bus terminal nasamdan sa maong pagbuto.

Si Deputy Presidential Spokesperson Abigail Valte nagkanayon sa press briefing sa dzRB Radyo ng Bayan  nga ang Philippine National Police miimbistigar sa hinungdan sa maong pagbuto lakip na ang mga mihimo sa maong salaod.

“Ang mga otoridad nag-imbistigar ug ato na nga gitugyan kanila aron mohatag kanato ug updates sa maong kahimtang, ug sa akong nahibaloan ang  Department of Interior and Local Governments ang nag-imbistigar na sa maong panghitabo," matud pa ni Valte.

Iyang gihatagan ug kaseguruhan ang mga Filipino ug mga dumadapit nga kita ang magpadayon paghatag seguridad dili lamang sa atong mga katawhan apan lakip na usab ang mga moduaw sa atong nasud isip mga turista.”