Malakanyang mipahayag nga ang law enforcement agencies mipalig-on sa seguridad sa panagtigum sa Asian Development Bank

Ni Gideon C. Corgue

PAGADIAN CITY, April 29 -- Ang Malakanyang nagkanayon  ning Biyernes nga ang  law enforcement agenciesug concerned government agencies sa nasud ang nagpalig-on sa pagpangandam sa seguridad aron maseguro ang kaluwasan ug proteksyon sa tanang mga langyaw ug lokal nga opisyal nga mosalmot sa 45th Asian Development Bank (ADB) Annual Meeting nga maapaahigayon karong Mayo 2-5 sa Philippine International Convention Center (PICC) dakbayan sa Pasay.

"Naghimo kami sa ubay-ubay ka mga coordination meetings tali sa mga ahensya nga nag-atiman sa mga lakang sa seguridad," si Deputy Presidential Spokesperson Abigail Valte nagkanayonn atol sa regular press briefing sa Malakanyang ning Biyernes.

Mokabat sa 3,000 nga mga pulis gikan sa National Capital Regional Police Office (NCRPO) ang gitahasan pagdumala sa perimeter security sa airport ug mga hotels diin ang mga delgado ang mo checked in, ug sa PICC sa dakbayan sa Pasay.

Ang Metropolitan Manila Development Authority (MMDA) magbukas sa “courtesy lanes” alang sa mga delegado.

Si MMDA Chairman Francis Tolentino nagkanayon nga ang ruta sa mga truck pagagamiton sa mga gikan sa  Mayo 2-5, gikan sa alas 4am ngadto sa alas 9 sa gabii Kini ang strikto nga ipatuman atol sa upat ka adlaw nga ADB conference.

Ang Finance ministers ug  central bank governors, representante  gikan sa international organizations, private sector, civil society, ug global media ang gilauman nga moslamot sa tinugi nga panagtigum sa sa ADB.

Ang Asian Development Bank nga natukod sa 1966 ug nakabase sa Manila, ang gipahinungod aron pagkunhod sa kawad-on sa Asya ug Pacific pinaagi sa ekonomikanhong paglambo ug  regional integration. (GCC/PCOO/PIA9/ZamboSur)