ni Alfonso T. Ruda
DIPOLOG CITY, APR. 24(PIA)--- Pormal nga ilusad ni Presidente
Benigno Aquino III ang Kindergarten to Year 12 kon K+12 Program sa Department
of Education (DepEd) sa usa ka seremonya nga ipahigayon didto sa Malakanyang
karong buntag.
Uban
sa iyang paglusad, sugdan nang i-implementar sa DepEd ang K+12 Basic Education
Program sa tanang pampublikong tunghaan sa elementarya ug sekondarya sa nasod sa
pagbukas sa klase karong Hunyo para sa tuig tingtungha, 2012-2013.
Ang
central feature sa programa mao ang pag-upgrade sa basic education curriculum
aron masiguro nga makat-onan sa mga magtutungha ang tukmang kinaadman ug
katakos nga ilang gikinahanglan aron mahimong produktibong membro sa katilingban.
Nagtumong kini nga itudlo ang skills development courses ug special interest subjects
nga mohaom sa personalidad ug career direction sa tagsa-tagsa ka magtutungha.
Matod
pa ni Education Secretary Armin Luistro, ang kalihokan maoy usa ka lakang
padulong sa katumanan sa 10-point Basic Education Reform Agenda ni Presidente Aquino nga iyang gihan-ay dihang
milingkod siya isip Pamuno Nasod niadtong Hunyo 30, 2010.
Dugang
pa ni Luistro, ang pormal nga paglusad maoy biyahe sa ka-asgot sa gobyerno nga
ma-upgrade ang basic education sa nasod ug magtanyag ug maanindot nga kahigayonan
sa panarbaho ngadto sa mga mogradwar sa basic reform education program.
Sa
pagdesinyo sa bag-ong curriculum, gikonsidera sa Task Force K+12 dili lamang
ang lokal nga kasinatian ug mga labing maayong mga nabuhat kundili hangtud na
ang sulod nga panglantaw sa mga silingang nasod sa Habagatang-Silangang Asya. “Ang
unsa mang aduna kita karon mao ang curriculum nga mapasigarbohong gihimo sa mga
Filipino para sa mga Filipino ug maoy makahimo sa mga Filipino nga
makigkompetensiya sa labin maayong laki sa nagkalain-laing bahin sda kalibutan,”
matod pa ni Luistro.
“Bisan
ug garbo man nato nga nahuman na nato kining maong curriculum, dili gihapon kini
perpektong dokumento,” matod pa ni Luistro . Higpit pa gihapon natong bantayan ang implementasyon niini aron
hingpit kining mapatuman sa mga mosunod nga grade level. Ang bag-ong education curriculum
ug ang mas halapad nga K+12 Program kinahanglang mahimo pang molambo sa
pagpangligid sa panahon,” matod pa ni Luistro.
Alayon
niini, gi-armasan na karon sa DepEd ang mga magtutudlo aron mahatagan sila ug tukmang
preparasyon para sa malampusong implementasyon sa programa. Ang summer training
program para sa mga magtutudlo sa Grade I ngadto sa Grade 7 nagsugod na niadtong
miaging semana sa tibuok nasod ug matapos karong bulan sa Mayo. Kini nagsakop
sa kapin kon kulang 140 mil ka mga magtutudlo sa sistema sa pampublikong
edukasyon,” panapos pa ni Luistro.(ATR/PCOO/PIA9-Zambo
Norte)
