'Balikatan 2012' pormal nga gibuksan ning Lunes

By: Gideon C. Corgue

PAGADIAN CITY, April 16 (PIA) –- Ang tinuig nga joint military exercise tali sa Filipino ug American military forces ning tuiga nga naila sa "Balikatan 2012," pormal nga gibuksan ning Lunes.


Si Col. Arnulfo Burgos Jr., tigpamaba sa Armed Forces of the Philippines (AFP) nagkanayon nga ang seremonya sa pagbujas naglakip sa pagrehsitro sa media members nga nag-cover sa maong kalihokan  nga ipahigaon sa Tejeros Hall, AFP Commissioned Officers Club, Camp Aguinaldo, dakbayan sa Quezon alas 9 ang takna sa buntag.


Karong Abril 21, ang Filipino ug American military units ang magpahigayon ug casualty evacuation drills, community relations activities, ug platoon force on force, ug explosive ordnance operations sa Fort Magsaysay sa Nueva Ecija.


Si Burgos nagkanayon nga sa Abril 22, usa ka "bilateral boat raid" ipahigayon sa Kandis, Palawan.
Sa Abril  24, adunay wreath-laying ceremonies ug pagpahigayon sa force on force, explosive ordnance operations, live fire exercise, ug  medical training ug simulated combat operations sa Fort Magsaysay, Nueva Ecija.


Ang tigpamaba sa AFP nagkanayon nga sa Abril 25, ang Filipino ug American troops magpahigayon ug "amphibious raid" sa Palawan.


Ang closing ceremonies pagahimoon sa Abril 27.


Mokabat sa 4,500 U.S. troops gilauman nga moapil sa maong kalihokan uban ang 2,300 nga mga sundalong  Filipino.