ni Alfonso T. Ruda
DIPOLOG CITY, APR.
30(PIA)--- Si Presidente
Benigno Aquino III nakatakdang mohimo ug sorpresang pahibalo para sa mga
empleyado sa gobyerno atoll sa pagsaulog sa Labor Day, ugmang adlawa, Mayo 1.
Sa
pakighinabi sa mga tigbalita human nga mitambong sa pagsaulog adlawng natawhan
ni Oriental Mindoro Gov. Alfonso Umali Jr., si Presidente Aquino miingon nga opisyal
niyang ipahibalo nga ipadayon sa iyang administrasyon ang implementasyon sa
Salary Standardization Law 3.
Ang
Salary Standardization mao ang programa sa gobyerno nga nagtumong nga ihatag sa
mga empleyado sa kagamhanan ang suweldo nga tukma sa ilang trabaho nga ikatandi
sa suweldo sa gobyerno sa ubang mga nasod.
“Duna
na kitay pagtugot pinaagi niining maong balaod (SSL 3), busa ang pangutana na
lang kung kaya bang iuna ang sunod nga hugna nga mao ang ika-upat nga hugna,”
nagkanayon ang Presidente.
“Busa
makompleto na ang SSL 3. Tingali, mas masayo ug usa ka bulan kay sa orihinal
nga plano,” dugang pa sa Presidente.
Midugang
pa gayod ang Presidente nga makigtagbo siya ugma sa mga lider sa pamuo ug uban
pang hingtungdan aron mahisgutan ang mga paagi nga magpalambo sa relasyon tali
sa tagdumala ug sa mga mamumuo.
“O,
dunay diyalogo ug nangandam na kami para niini aron maplantsa ang mga pangutana
ug tubag, ingon man rekomendasyon,” panapos pa ni Presidente. Aquino.(ATR/PCOO/PIA9-Zambo Norte)
