Ni Alfonso T. Ruda
DIPOLOG CITY, MAR. 6(PIA)--- Ang talagsaong kadaugan ni Commission on Audit Chairperson Grace Pulido-Tan, kinsa napili isip membro sa Board sa Asian Organization of Supreme Audit Institutions (ASOSAI) didto sa India niadtong miaging bulan maoy usa ka manipestasyon nga ang Pilipinas dunay usa ka latuhoan ug kasaligang “auditing institution”.
Sa usa ka pahayag nga gipagawas sa Malakanyang kagahapon. si Presidential spokesperson Edwin Lacierda nagkanayon nga gipahalipayan ni Presidente Benigno Aquino III si Grace Tan sa iyang pag-angkon ug lingkuranan ASOSAI Board sa gipahigayong eleksyon didto sa Jaipur, India niadtong miaging Pebrero.
“Ang Pilipinas nalakip sa mga inilan kompaniya kauban sa Tsina, Saudi Arabia, Rusya, Thailand ug Bangladesh nga nahimong membro sa Board nga dunay kinatibuk-ang 11 ka mga kandidato,” matod pa ni Lacierda.
“Kini nagrepresentar nga pagbangon sa Pilipoinas, nga naka-angkon ug lingkuranan human ang hataas nga panahon nga wala kini makonsiderang mahimong membro sa Board. Ang Pilipinas makig-uban sa South Korea kang kansang Auditor-General mao ang Secretary-General sa institusyon, isip usa ka Asyanonong membro, matod pa ni Lacierda.
Ang termino sa pagkamembro ni Tan sa ASOSAI magsugod sa 2012 hangtud sa 2015.
Gilantaw karon sa administrasyong Aquino ang mahimong kontribusyon ni Tan sa organisasyon.
Kining pagpakita ug kompiyansa sa iyang kauban nahitabo sa tikod sa naunang pagkapili sa COA Chair isip external auditor sa World Health Organization niadtong Mayo 2011. Sa makausa pa, mapasigarbohon na usang mapataas sa Pilipinas ang iyang ulo gumikan sa pag-angkon ug usa ka katuhoan ug kasaligang auditing institution,” matod pa ni Lacierda.
Niadtong Pebrero 29, ang Comptroller ug Auditor-General sa India, nga si Vinod Raj mipuli usab isip bag-ong Chairman sa ASOSAI.(ATR/PCOO/PIA9-Zambo Norte)
