ni Franklin P. Gumapon
DIPOLOG CITY, Jan. 30 (PIA) - - Mangulo si Presidente Benigno Simeon C. Aquino III sa himoong paghatag pasidungog sa mga midaug sa 2011 Gawad Pook Awards didto sa Palasyo sa Malakanyang karong adlawa.
Motambog usab sa maong kalihukkan si Interior Secretary Jesse Robredo, Galing Pook National Selection Committee chair Rafael Coscolluela, ug si Galing Poof Foundation chairperson Nieves Confesor.
Ang Galing Poook Awards nga nagsugod kaniadtong 1993 usa ka tinuig nga papili sa pinakamaayong pang-goobyernong lokal sa tibu-ok kapupud-an.
Ang usa ka makuti’ng pagpili sa mga manana-ug gihimo pinaagi sa paglantaw sa mga positibong resulta sa mga gipahimutang nga programa uban sa partisipasyon sa katawhan nga magmaluntaron.
Ang mga manana-ug sa Galing Pook karong tuiga gipili pinaagi sa ilang programa sa pag-tubag sa bisang unsang kalamidad, pagpalambo sa partisipasyon sa katawhan dinha sa pangagamhanan, pagpalambo sa pag-panguma, pag-amping sa kinaiyahan ug pagpapalambo sa serbisyo alang sa maayong panlawas.
Nahibaw-an nga adunay 150 ka mga local government units (LGUs) sa tibook nasud ang makadawat ug pasidungog nga naglangkob ug 240 ka mga programa sa natad sa maayong panlawas, kalinaw, panginabuhi, “housing” ug uban pa. (FPG/PIA-Zamboanga del Norte)
