PAGADIAN CITY , Jan. 25 (PIA) -- Ang mga tinun-an sa Kindergarten, 5 ka tuig ug paubos ang adunay bag-o nga lawak klasehanan nga adunay moderno nga audio visual (A/V) equipment ug uban pang educational tools sa usa ka nagdagan nga classroom nga gitawag “Kindergarten on Wheels.”
Si Education Secretary Armin Luistro nagkanayon nga sa maong programa, kini ang nakatabang sulbad sa kakulangon sa lawak klasehanan sa tuig 2013.
Si Bagong Henerasyon Rep. Bernadette Herrera-Dy miuyon tungod kay pipila sa mga suliran nga giatubang sa sector sa edukasyon adunay kakulangon sa pundo ingon man ang kakulang sa lugar alang sa mga bag-o nga school buildings.
“Ang gidaghanon sa pre-school enrollees gilauman nga moduol sa pagtriple ning tuiga kung ikumpara sa gidaghanon sa mga pupils sa nakalabay nga napulo ka tuig. Kita ang nanginhanglan sa dugang mga lawak-klasehanan tungod kay adunay gibana-bana nga 66,000 nga kakulangon sa classroom sa tibuok arkipelago.
Ang paglusad sa Kindergarten on Wheels ang gipahigayon sa gabii sa ika-70 ka tuig nga anibersaryo ni kanhi Presidente Cory Aquino, ang inahan ni Presidente Benigno Aquino III.
Si Herrera-Dy nagkanayon nga kini ang gihimo tungod kay si Cory Aquino ang nagbilin sa malahutayon nga kabilin sa pag-amuma sa edukasyon sa mga kabataan ug sa ilang tingusbawan.
Ang mobile classrooms gilusad sa President Corazon Aquino Elementary School sa Batasan, Quezon City.
Ang proyekto gihimo uban kang Partylist Bagong Henerasyon pinaagi sa memorandum of agreement uban sa Department of Education ug sa kagamahanan sa dakbayan sa Quezon.
Si Luistro nagkanayon nga ang proyekto tubay sa pagpangita sa nasangpit nga ahensya sa mga kasulbaran aron pagdawat sa kindergarten sa pampublikong tulunghaan isip kabahin sa K+12 basic education reforms sa kagamhanan sa tuig 2016.
Ang bag-o nga curriculum maghimo pag-usab sa kasamtangan nga sistema sa edukasyon sa nasud gikan sa kindergarten ngadto sa unom ka tuig nga pagtungha sa elementarya, upat ka tuig sa high school ug duha ka tuig sa senior high school.
Si Herrera-Dy ang nangamahan sa House Bill 1079 ug HB 1080 kinsa ang nagtinguha pagmugna sa alternative child care laws sa nasud ug pagtukod sa usa ka special education center (SPED) sa matag school division ug tulo ka SPED sa mga dagko nga school divisions. (JPA/ GCC/ PIA Pagadian City)
