ni Claro A. Lanipa
Pagadian City, Jan 30 (PIA) – Si Presidential Adviser on the Peace Process Teresita Quintos-Deles mihatag sa kamahinungdanon alang sa mga stakeholders nga makabaton sa halawom nga pagpasabot sa proseso sa kalinaw aron dili sila mapaling taliwala sa mga isyus.
“Komplikado kaayo ang proseso sa kalinaw; dili kini mahimong mosulbat sa usa lang ka higayon. Ang atong gikinahanglan mao ang masaligong pagduyog sa proseso. Kon maayo ang dagan sa proseso sa kalinaw, ang mga tawo mobiya niini. Apan ang proseso sa kalinaw usa ka isyu nga dali ra tuyukon,” miingon si Deles atol sa Bishops-Businessmen’s Conference (BBC) for Human Development nga gipahigayon bag-o lang sa Pope Pius XII Catholic Center sa U.N. Avenue, Manila.
Si Deles giubanan ni Marvic Leonen, chair, Government of the Philippine (GPH) alang sa sultihanay uban sa Moro Islamic Liberation Front (MILF), ug Jurgette Honculada, panel member sa sultihanay uban sa Communist Party of the Philippines-New People’s Army-National Democratic Front of the Philippines (CCP-NPA-NDFP).
Sa maong forum, si Deles mibutyag sa kinahanglanon alang sa dugang mga advocates kinsa motabang sa pagduso ug sa pagpatin-aw sa mga isyus mahitungod sa proseso sa kalinaw. “Kon adunay mga isyus, walay motubag ug motabang sa pagpatin-aw sa kahimtang, kon dili ang mga tawo lang nga naglambigit sa proseso sa kalinaw. Kining proseso nagkinahanglan sa halawon nga pagpasabot; nagkinahanglan kini sa pagkamatoohon aron kon unsay mahitabo ang mga tawo dili dali mapaling.” (OPAPP/PIA9/CAL)
