by Alma L. Tingcang
MANILA, August 9 (PIA) -– Ang gipanag-iya sa kagamhanan nga Bases Conversion and Development Authority (BCDA) nakaremit sa kantidad nga P1.962 bilyon ngadto sa nasudnong panudlanan alang sa AFP Modernization Fund gikan sa Enero ngadto sa Hulyo, 2011.
Ang presidente sa BCDA ug chief executive officer nga si Arnel Casanova miingon nga ang maong tipik sa AFP Modernization Fund naggikan sa net proceeds gikan sa mga non-sale transactions sama sa lease ug joint venture agreements sa kanhi Metro Manila military camps, diin ang kinadak-an niini mao ang Fort Bonifacio ug parte sa Villamor Air Base nga gi-develop na isip Bonifacio Global City ug Newport City.
Ubos sa Executive Order 3019, ang Armed Forces of the Philippines makakuha sa 50 porsiyento sa net proceeds gikan sa non-sale transactions.
Niining bulan sa Hulyo lamang, ang BCDA naka remit ug P19.5 milyon alang sa maong katuyoan. Matod pa nga gitakda na usab kini nga motunol sa P36 milyon sa ikaduhang semana sa Agosto.
Matod pa ni Casanova, ang BCDA naka-generate ug P51.307 bilyon gikan sa pagdispose sa mga kampo sa Metro Manila gikan sa Mayo 1993-July 2011 ingon man naka-remit sa National Treasury ug P33.131 bilyon, naglangkob kini sa proceeds gikan sa sale ug non-sale transactions.
Sa kinatibuk-ang kantidad, ang P21.309 bilyon alang sa AFP nga gitipak isip:P11.813 bilyon alang sa AFP Modernization program uf P9.496 bilyon alang sa paghimo ug military facilities.
Ang nahibilin nga P51.307 bilyon nagrepresentar sa payments ngadto sa Bureau of Internal Revenue ug local government units pinaagi sa national ug local taxes ug fees, non-military facilities ug housing, ingon man compensation alang sa mga informal settlers.
Sayo niini, gipaklaro ni Casanova nga ang share sa AFP diretso nga gi-remit ngadto sa National Treasury ug ang Department of Budget and Management maoy responsable sa programming ug pag-release sa appropriation ngadto sa AFP aron pag-finance sa ilang modernization program. (ALT-PIA9/Zambo Sur)
click here
