ni Alfonso T. Ruda
DIPOLOG CITY,JULY 12PIA)---Ang Department of Budget and
Management mipahibalo nga human na sila kon pagpangandam ang hisgutan sa
gisugyot nga PhP2.006 trilyones nga Empowerment Budget ilalom sa National
Expenditure Program (NEP) para sa 2013 aron suportahan ang pagpaningkamot sa
administrasyong Aquino nga tumanon ang iyang saad nga paubsan ang kapobrehon ug
ipadayon ang ekonomikanhong kalambuan sa nasod.
Sa
gipahigayong press briefing sa Malakanyang, si Budget Secretary Florencio Abad
nagkanayon nga ang gisugyot nga nasudnong pahat para sa 2013 napanday uban ang
konsiderasyon sa lima ka prinsipyo aron masiguro nga makab-ot sa
administrasyong Aquino ang gitarget niining mga prayoridad nga programa
“Ang
lima ka mga prinsipyo mao ang mosunod- Una; Greater and Deeper commitment to the Aquino Social Contract; ikaduha mao
ang Accelerated Completion of Priority Program Targets; ikatulo - Stronger
Government Accountability to Perform; Ikaupat, mao ang Transparency for Faster
Budget Execution and Clearer Results, ug ang katapusan mao ang Greater
Stakeholder Participation in Preparation and Execution,” matod pa ni Abad.
“Among
gusto nga kining maong budget makapadali sa kahumanan sa gipangtarget nga prayoridad nga mga proyekto,
mao nga among gitudlo ang Department of Public Works and Highways isip principal
infrastructure agency. Kini nagpasabot nga ang tanang konstruksyon himoon na
karon… ang desinyo, ang kantidad, ang palitonon, ang bidding, ug ang
superbisyon himoon sa DPWH, aron ang tutukan nalang sa ubang ahensiya ang ilang
mga mandatus,” dugang pa ni Abad.
Ang
gisugyot nga 2013 NEP nga naka-angkla sa temang “Atas ng Bayan” nagtumong nga mahatod
ngadto sa katawhan ang ilang gikinahanglan, ilabi na sa kabus natong mga
kaigsoonan.
Matod pa
ni Abad, iyang ipresentar sa kongreso ang gisugyot nga 2013 budget sa Hulyo 24
kon usa ka adlaw human ang State of the Nation Address ni Presidente Aquino nga
nakatakdang pagahimoon karong Hulyo 23. Niadtong miaging tuig, alang kanamo,
ang kahulugan sa Paggugol ng Matuwid mao ang paggasto nga dunay diha-diha ug direktang
epekto sa kinabuhi sa katawhan.
“Karong
tuiga, ang Paggugol ng Matuwid among gipakahulugan nga mao ang mga butang nga
gusto sa katawhan, ilabi na sa kabus natong mga kaigsoonan. Sa laktod nga
pagkasulti, Atas ng Taumbayan”… nga among tawgon ug empowerment budget tungod
kay ang matag piso sa gobyerno nga gastuhon magkahulugan ug benepisyo sa
katawhan, ilabi na sa mga kabus, sa ingon nga paagi, among gibati nga amo
silang gihatagan ug gahum,” matod pa ni Abad.
Uban
niini, gidesinyo sa administrasyong Aquino 2013 expenditure plan isip
Empowerment Budget nga nagtumong nga haw-ason ang kabus natong mga kaigsoonan
gikan sa kawad-on ug pag-invest sa ilang kapabilidad sa makahuluganong
pakiglambigit sa ekonomiya. Usa usab kini ka budget nga nagpalalom sa reporma nga
matukmod sa katawhan nga mosalmot sa pagdumala sa gobyerno ug paghimo sa mga
nagdumala sa pangagamhanan nga manubag ngadto kanila,” pahayag pa ni Abad.(ATR/PCOO/PIA9-Zambo Norte)
