Ni Gideon C. Corgue
Ang Department
of Trade and Industry (DTI) pinaagi sa iyang field offices ang nagpalig-on sa
iyang paghimutad sa mga kalihokan aroin pagsusi sa mga presyo, supply, ug
kaledad sa mga school supplies sa mga dagko nga public markets diin kadaghanan
sa mga ginikanan ang magtapok aron makapahimulos sa gibaligya nga galamiton sa
eskwela.
Ang DTI higpit
nga nagtrabaho uban ang mga ahensya sa kagamhanan sama sa Food and Drug Administration (DOH-FDA) sa Department
of Health, ang Department of Education (DepEd) ug local government units (LGUs)
aron pagbantay sa mga distributors ug retailers sa school supplies sama sa notebooks,
pad papers, pencils, crayons, ug ballpens aron pagpakgang sa mga dili
makatarunganon nga pag-uswag sa presyo ug pagpalapnag sa dili luwas nga galamiton
sa tulunghaan sanglit ang panginahanglan sa mga nasangpit nga butang nag-uswag
tungod sa pagbukas sa klase sunod bulan.
Ang
nasangpit nga department nakatala sa Suggested Retail Prices (SRPs) sa mga
napili nga school supplies sa mga pamantalaan ug ang website sa DTI (www.dti.gov.ph)
mogiya sa mga konsumantE sa ilang pagpalit ug sa samang higayon mo-alerto sa
mga retailers pagligya sulod sa ilang gimantala nga SRPs.
Ang mga posters
ning maong SRP gi-apod-apod ngadto sa mga bookstores, department stores,
supermarkets, ug uban pang retailers sa school supplies nga magsilbi isip ready
reference sa mga konsumante nga sayon nga motandi sa mga brands ug mahibalo
kung ang mga butang gibaligya sa
makatarunganon nga presyo.
Ang SRPs gipagula
sa mga manufacturers ngadto sa mga retailers aron pagseguro nga ang gahin sa
merkado ug adunay susama nga kompetisyon sa merkado. Kini ang mogiya sa mga
presyo nga naglangkub sa production cost, distribution cost, ug profit margins sa
mga retailers ug distributors. (GCC/PNA/PI9-ZamboSur)