ni Alfonso T. Ruda
DIPOLOG CITY, MARCH 28(PIA)--- Padayon karong giduso sa Administrasyong Aquino ang paggamit ug de-kuryenteng traysikel o traysikel nga gipadagan sa kuryente kon e-Trikes isip tipik sa pagpaningkamot nga matibhangan ang pagsalig sa nasod sa produktong petrolyo.
Sa usa ka press conference sa Malakanyang, gipahayag sa tigpamaba sa palasyo nga si Edwin Lacierda, nga ang paggamit ug e-Trikes dili lamang makatubag sa epekto sa padayong pagsaka sa presyo sa produktong petrolyo sa kalibutanong merkado kundili dili hangtud na usab problema sa polusyon sa nasod.
Ang paggamit sa e-Trikes nagtumong usab nga madugangan ang kita sa mga drayber ug traysikel, ingon man mga operators.
Ang e-Trikes mao karon ang topiko sa pag-aprobar sa National Economic Development Authority(NEDA). Busa naglaum kami nga magpadayon na kini. Sa pagkakaron, padayon nang gigamit sa Marikina ang e-Trikes,” matod pa ni Lacierda.
Sa ilang pagpaningkamot nga suportahan ang alternatibong tinubdan sa enerhiya, nakigtambayayong ang Department of Energy sa mga Kagamhanang-lokal aron makamugna ug mga programa nga makatabang sa mga dakbayan ug kalungsuran nga makaangkon ug mga e-Trikes.
Ihatag sa Asian Development bank ang usa ka pasilidad sa pautang para a Market industry transformation pinaagi sa pagpaila ug paggamit sa episyenteng e-Trikes. Ang programa nagtumong sa pagdeploy ug 100 ka libong mga e-Trikes nga dunay bateriyang lithium-ion sa mga siyudad ug lalawigan sa nasod.
Niadtong Abril 2011, nanghatag ang DOE ug 20 ka mga units sa electric tricycles sa dakbayan sa Mandaluyong diin ang komersyal nga operasyon niini gisugdan pagka Mayo sa mao gihapong tuig.
Uban sa panabang sa mga lokal nga kapitalista, mga madudula sa industriya ug mga ekspertong-teknikal, sugdan usab sa DOE ang piloting innovations sa mga e-Jeepneys, e-Buses ug mga e-Cars.(ATR/PCOO/PIA9-Zambo Norte)