ni Franklin P. Gumapon
DIPOLOG CITY, July 24 (PIA) - - Nagla-um si
Pangulong Benigno Simeon C. Aquino III nga mopasar ang kongreso ug usa ka
balaud-non kabahin sa pagmina aron mapalambo ang kinaiyahan sa minahan ug abot
sa kagamhanan alang sa malungtaron nga kalambo-an.
Kini ang gibutyag ni Pangulong Aquino atol sa iyang
State of the Nation Address (SONA) kagahapon didto sa Batasang Pambansa sa
dakbayan sa Quezon.
Kahinumduman nga kaniadtong Hulyo 6, mipagula si
Pangulong Aquino sa Executive Order No. 79 nga nagtinguha sa pagpanalipod sa
kinaiyahan, pagpadas-ug sa responsableng pagmina ug ingon man tukma ug
ensaktong pahat gikan sa abot sa mina.
Matud pa sa Presidente, gikinahanglan ang pagpasar
ug usa ka balaudnon nga maoy mo-timbang sa maong executive order.
Gibutyag ni Aquino nga kaniadtong Nobyembere 2010,
mikabat sa P145 bilyones ang abot sa mina, apan P13.4 bilyones lamang o nuebe
porsyento lamang ang napahat sa kagamhanan.
“Dili kita makatugot nga ang bahandi’ng gipanag-iyahan
sa katawhang Pilipino, “balato” o dyutay lang ang ma-adto sa mga Pilipino,”
panapos ni Aquino.
