Ni Alfonso T. Ruda
DIPOLOG CITY, JULY
26(PIA)---Padayong
gibarugan sa Malakanyang nga dunay
supisyenteng pondo ang Commission on Elections alang sa pagpahigayon ug automated
election sa 2013.
Matod
pa ni Presidential spokesperson Edwin Lacierda, nga mahimong gamiton sa COMELEC
ang ilang “savings” ug idugang sa ilang regular nga budget para sa pagpahigayon
sa automated election sunod tuig.
“Nagtoo
ako nga angayng tan-awon sa COMELEC ang ilang tinigom. Nagtoo ako nga dun ay
supisyenteng tinigom ang Komisyon nga sarang magamit para sa automated
election,” matod pa ni Lacierda.
Midugang
pa si Lacierda nga sa iyang pakig-diskusyon uban kang Budget Secretary
Florencio Abad may kalabutan sa maong isyo di-pa lang dugay, mipahibalo kaniya ang
Hepe sa Budget nga dunay supisyenteng tinigom ang COMELEC.
“Duna
silay tukmang tinigom. Dili kana problema. Mahinayon ang automated election sa
2013,” matod pa ni Lacierda.
Miangal
si COMELEC Chairman Sixto Brillantes sa kalit ug dakong gikuha gikan sa alokasyon
nga mahimong dawaton sa komisyon sa 2013 General Appropriations Act, gikan sa
P24 bilyones ngadto sa P8-bilyones.
Gumikan
niini, mibahad si Brillantes nga tungod sa dakong mawala sa pahat sa komisyon,
posibling ibalik nila sa manu-mano ang pag-ihap sa mga boto sa ipahigayon sa
piniliay sa 2013.(ATR/PCOO/PIA9-Zambo
Norte)
