ni Alfonso T. Ruda
DIPOLOG CITY, JULY
9(PIA)--- Kinahanglang
manubag ang mga lokal nga opisyal sa Mindanao ug uban pang bahin sa nasod nga
naghatag ug pagtugot sa illegal logging sa ilang tagsa-tagsa ka nasakupang mga
lugar.
Mao
kini ang gipahayag ni Presidente Benigno Aquino III sa iyang pagpakigpulong atol sa pagpima sa kasabutan sa panaghiusa sa Liberal
party ug Bakud Party niadtong adlawng Sabado didto sa Dakbayan sa Danao.
Gipangayo
na sa Department of Interior and Local Government (DILG) ang pagpatin-aw sa mga mayor sa Agusan del Sur kun
nganong dili sila angay nga pasakaan ug kasong administratibo gumikan sa
naghitak nga illegal logging sa ilang mga munisipyo nga nagresulta sa halapad
nga pagbaha nga maoy hinungdan sa pagkakalas sa daghanang mga kinabuhi ug
pagkadaot sa mga inprastaktura,” matod pa ni Presidente Aquino.
Sa
usa ka pakighinabi human sa maong kalihokan, si DILG Secretary Jesse Robredo
nagkanayon nga iya nang gipasakaan ug kasong administratibo ang unom (6) ka mga
mayor, ingon man iya na usab nga gipalagpot ang hepe sa kapulisan sa mga
munisipyo nga nalambigit sa illegal logging.
“Magpatin-aw
ang mga mayor. Ang show cause order nangayo sa mga Mayor nga magpatin-aw kon nganong
dili sila angay nga pasakaan ug kasong administratibo. Ang labing ubos nga
silot mao ang negligence gumikan sa pagtugot nga mahitabo ang illegal logging
sa ilang mga nasakupang lugar. Ang labing unang dunay tulubagon niini mao gyud
ang checkpoints nga gipahimutang sa Department of Environment and Natural Resources(DENR).
Gipalagpot na ang 31 kanila ug magpadayon pa ang kampanya,” matod pa ni Sec.
Robredo.
“Higpit
ang tugon sa Presidente nga patubagon ang angayng manubag,” matod pa niya nga
mi-ingon nga modaghan pa ang mga hepeng ehikutibo-lokal nga pasakaan ug kaso
samtang nagpadayon pa ang gihimong imbestigasyon.
“Ang
nagpadayong kampanya batok sa illegal logging sinugdanan pa lamang samtang
gipalapdan pa sa gobyerno ang imbestigasyon nga magsakop sa tanang lalawigan sa
nasod,” matod pa ni Robredo, Bag-ohay pa lamang, nakompiskar sa gobyerno ang
mga “illegally cut logs” gikan sa Compostela Valley ug Davao. Duna usay mayor
sa Northern Luzon nga gipasakaan ug susamang kaso, samtang laing insidente usab
sa lalawigan sa Isabela diin ang CENRO sa DENR ug usa ka negosyante nagkunsabo.
Ang
labing ubos nga silot nga ipahamtang sa nalambigit mayor mao ang “reprimand”
samtang mahimo usab kining mosangko sa suspensiyon. Midugang pa si Robredo dili
mahimong tangtangon sa ilang puwesto bisan ug nakahimo sila sa maong kalapasan.
Gawas
sa pagsaksi sa pagpirma sa coalition agreement, mitambong usab ang Presidente
sa pagsaulog sa adlawng natawhan ni Danao City Vice Mayor Ramon Durano III
kinsa opisyal na usab nga nanumpa isip membro sa Partido Liberal.
Kauban
ni Presidente Aquino niadtong Sabado sila si Transportation Secretary Manuel Roxas, Sen. Franklin Drilon,
Energy Secretary Jose Rene Almendras, Budget Secretary Florencio Abad ug
Interior and Local Government Secretary Jessie Robredo.( as/3:55pm)(ATR/PCOO/PIA9-Zambo
Norte)
