ni Claro A.
Lanipa
Pagadian
City, July 9 (PIA) – Mga out-of-school
youth o high school graduate kinsa wala naka-enroll karon tuig mahimong moapil
sa training alang sa trabaho isip usa ka rigger.
Mao
kini ang pahimangno gikan sa Department of Labor and Employment (DOLE)
Secretary Rosalinda Baldoz kinsa miingon nga ang public-private partnership nga
programa sa kagamhanan ug and pagpalapad sa sekta sa turismo sa nasud makahatag
ug dakong mga oportunidad sa industriya sa konstruksyon ug magkinahanglan
dugang mga skilled workers, sama sa riggers.
“Bisan
pa niana, kadaghanan sa mga employers
mangita’g high school graduates, ang kahanas o kabatid sa usa ka rigger
mahimong makat-oanan pinaagi sa apprenticeship,” miingon si Baldoz, dugtong pa
nga ang pagbansay magsugod pinaagi sa pagtrabaho isip katabang sa rigger.
Base
sa DOLE Career Guide 101, mga riggers gidawat direktamente sa mga building
construction company o subcontractor, ug kinahanglan kahibalo sila’g mosabot ug
mobasa sa mga safety instruction ug adunay katakos sa pag-ila sa ilang
kaugalingon limitasyon sa trabaho.
Sa
gipahayag sa Career Guide, ang trabaho sa rigger molangkob sa pagtabang sa
operasyon sa mga makina nga nagdala sa mga bug-at nga butang lakip mga steel
plates, mga bantal sa steel rods, drilling towers, plataporma, ug mga bug-at
nga kagamitan sa konstruksyon nga gigamit sa pagtukod ug pagpakanaog sa mga
istruktura nga puthaw. Ang trabaho sa rigger nagkinahanglan ang aplikante adunay
maayong panglawas, alerto ug mabaskog, mahimong makatrabaho bisan sa malisod
nga kahimtang, ug isip kabahin sa usa ka grupo o team.
Sa
lokal nga merkado sa buhat, ang suhol sa rigger diha sa pagsugod anaa sa
P10,000 ngadto sa P15,000 matag bulan, apan sa diha aduna na siya igong
kasinatian ug nakabaton ug dugang pagbansay, ang usa ka rigger makatrabaho sa
gawas sa nasud ug makadawat sa dili mominus sa $3,857.
Out-of-school
youths, high school ug college graduates kinsa gusto masayran ug dugang
mahitungod sa basic education requirements sa usa ka trabaho, kabatid, suweldo,
mga oportunidad ug uban pa mahimong mobukas sa 101 Career Guide sa DOLE sa
www.ble.dole.gov.ph. (DOLE/CAL/PIA9)
