Ni Gideon C. Corgue
Lain nga pagpamomba gitaho nga nahitabo sa ARMM ning Lunes nga nakasamad sa duha ka mga tawo, diin gipahayag sa mga otoridad nga may kalabutan kini sa nagsingabot nga pagrehistro sa mga botante sa rehiyon.
Sa press briefing sa Malakanyang, si Presidential Spokesman Edwin Lacierda nagkanayon nga ang Palasyo nakahibalo nga adunay mga tawo nga mosupak sa mga reporma sa ARMM.
“Kita ang mopatuman sa mga reporma ug busa, akong nasabtan nga adunay mga tawo nga supak niini. Apan kita ang seryoso sa atong mga reporma. Atong gikondenar ang pagpangbomba. Atong mga pahasubo sa mga pamilya sa namatay nga mga biktima,” matud pa niya
Kalabot sa mga opisyal sa pulis ug militar kinsa ang pakyas nga misumpo sa mga pag-atake, matud pa ni Lacierda nga ang Palasyo misalig niini sa liderato sa mga pulis ug armadong kusog ug motangtang sa mga commanders nga pakyas paghimo sa ilang mga katungdanan.
“Ato nga gisalig sa liderato sa AFP. Sila ang anaa sa proseso pag-imbistigar sa maong panghitabo. Dili maayo nga ato gilayon nga madaliong wagtangon sila hangtud nga kita ang makaseguro nga atong tukma nga gi-imbistigar ang maong panghitabo,” matud pa niya.
Ning Martes, ang mga otoridad mipahayag nga sila ang na-konbinse nga ang duha ka mga pagpabuto sa granada nga nakauyog sa mga panimalay sa Maguindanao kasikbit sa mga lungsod sa Shariff Aguak ug Datu Hofer sa nakalabay nga duha ka mga adlaw ang kini may kalabutan sa nagsingabot nga pagrehistro sa mga botante sa ARMM. (GCC/PCOO/PIA9-Zambosur)
