ni Claro A.
Lanipa
Pagadian
City, June 8 (PIA) – Gikalipay ni Social Welfare and Development
Secretary Corazon Soliman sa gipagawas nga PhilHealth’s Circular nga nagtanyag ug
kahigayonan sa tanang Pantawid Pamilya benepisyaryo ngadto sa National Health
Insurance Program (NHIP) sa mga benepisyo sa bisan asa nga balay tambalanan
accredited sa PhilHealth.
Ang
mga benepisyaryo sa Pantawid Pamilya ug ang ilang sakop sa panimalay sa dili
madugay makapahimulos na sa mga benepisyo sa PhilHealth, ubos sa gitawag Sponsored
Program Component sa NHIP, nga adunay subsidy gikan sa kagamhanan alang sa
maong health insurance ngadto sa mga pamilyang kabos. Sa pagka-karon, adunay
3,005,025 ka mga benepisyaryo sa Pantawid Pamilya sa tibuok nasud.
Kining
mga benepisyo mahimong mapuslan pagkahuman sa 15 ka adlaw pagmantala sa maong
mando (circular) sa nasudnong pamantalaan.
Matod
pa ni Sec. Soliman and mga kuwalipikadong benepisyaryo sa PhilHealth’s
Sponsored Program mao kadtong mga nailang benepisyaryo nga pangulo sa panimalay
sa Pantawid Pamilya, ang ilang legal nga asawa nga nakalista sa DSWD ubos sa
National Household Targeting System for Poverty Reduction (NHTS-PR), and ilang
mga anak 21 anyos pa ubos ug ginikanan 60 anyos pataas.
Aron
maangkon ang mga benepisyo sa NHIP, ang pasyenteng miyembro benepisyaryo sa Pantawid
Pamilya mopakita lang sa ilang Pantawid Pamilya ID card.
Dugtong
pa ni Soliman, ang mga benepisyaryo sa
Pantawid Pamilya makapahimulos sa mga benepisyo sama sa konsultasyon, serbisyo
sa pagpanghiling ug mga tambal gikan sa mga balay tambalan nga accredited sa
PhilHealth. Sa susamang higayon, makapahimulos usab sila sa inpatient ug
outpatient nga mga serbisyo. (DSWD/CAL/PIA9)
