ni Alfonso T. Ruda
DIPOLOG CITY, JUNE 7(PIA)---Ang United Kingdom subling
nagpahayag sa ilang suporta ug saad nga motabang sa kagamhanan sa Pilipinas sa
proseso sa kalinaw dinhi sa Mindanao.
Ang
Primero Ministro sa United Kingdom of Great Britain ug Northern Ireland nga si
David Cameron miliuwat sa maong pahayag sa ilang panagtagbo ni Presidente Benigno
Aquino III, kinsa anaa sa iyang opisyal nga pagbisita sa maong nasod.
Si
Presidente Aquino ug Cameron nagtagbo niadtong Miyerkules ug nagpahigayon ug pagbinayloay
ug panglantaw sa bilateral, rehiyonal, ug
kalibutanong mga isyo nga parehong intresado ang duha ka nasod, ingon man
pagpahimsog ug pagpadayon sa relasyon padulong sa malambuon ug luwas nga ugma
alang sa duha ka nasod.
Sa
ilang hiniusang pahayag, si Presidente Aquino mipahibalo kang Cameron sa
kalambuan sa negosasyon sa kalinaw tali sa Kagamhanan sa Pilipinas ug Moro
Islamic Liberation Front(MILF).
Ang
United Kingdom usa ka aktibong membro sa International Contact Group sa negosasyon
sa kalinaw tali sa gobyerno ug MILF.
Si
Pres. Aquino miila sa nagpadayong papel sa UK isip founding ug aktibong membro
sa ICG.
Gumikan
niini, subling gipahayag ni PM Cameron ang commitment sa UK nga padayong
tabangan ang proseso sa kalinaw sa Mindanao, lakip na ang pag-paambit sa mga
pagtulun-an sa proseso sa kalinaw sa Northern Ireland.
Sa
maong miting, parehong giila nila ni Aquino ug Cameron ang kamahinungdan sa makanunayong
panag-ambitay tali sa mga dagkong opisyales sa gobyerno.
Si
Presidente Aquino ug PM Cameron, nakatakdang magpahigayon ug ikatulong hugna sa
“Philippines-United Kingdom high level talks didto sa London sa ulahing bahin nin
tuiga aron marepaso ang kahimtang sa
relasyon sa duha ka nasod ug matumbok ang mga praktikal nga lakang-pagtinabangay
nga labi pang magpalig-on sa ilang relasyon ug ibutang sa Philippines-United
Kingdom Action Plan nga masagop atol sa miting.
Malipayong
gidawat ni Aquino ug Cameron ang pagsulod sa puwersa sa Philippines-United
Kingdom Mutual Legal Assistance Treaty (MLAT).
Ang
MLAT nga napirmahan niadtong 2009 maoy maggiya sa pagbinayloay ug impormasyon
ug pagtinabangay sa pagpatuman sa balaod ug uban pang legal nga mga butang aron
matubag ang mga kalibutanong krimen sama sa money laundering, pagbaligya sa mga
kababayin-an ug mga kabataan, ug mga ginadiling droga.
Naglaum
usab si Aquino ug Cameron, nga mapalig-on sa duha ka nasod sa dili madugay ang extradition
treaty.
Nahisgutan
usab sa duha ka lider ang mga rehiyonal ug kalibutanong isyo nga parehong dunay
interes ang duha ka nasod. Gilig-on usab sa duha ang panginahanglan sa kooperasyon aron matubag ang problema sa
kausaban sa klima, ug pagpakiggubat sa mga kalibutanong krimen ug terorismo,
pagsanta sa human trafficking ug pagpahimulos sa mga kabtaan, pagpromote sa nucelar
non-proliferation ug pagpatunhay sa kalibutanong kahusay ug kalinaw.
Samtang
sa laing bahin, gidawat usab sa UK ang nag-unang papel sa Pilipinas sa Association
of Southeast Asian Nations (ASEAN). Nagkauyon ang duha nga dunay mahinungdanong papel ang ASEAN sa pagpromote
sa kahusay ug kalambuan sa Asya lakip na ang pagtrabaho uban sa ilang mga
kauban pagresulba sa mga rehiyonal nga problema sa malinawon mnga paagi.(ATR/PCOO/PIA9-Zambo Norte)
