'It's more fun in the Philippines' nga kampanya sa turismo nakadawat ug mainitong pag-abiba sa London

Ni Gideon C. Corgue


PAGADIAN CITY, June 5 (PIA) – Si Presidente Benigno S. Aquino III mopalambo sa nanag-una nga tourist destination sa nasud pinaagi sa “It’s more fun in the Philippines” campaign sa Department of Tourism atol sa iyang opisyal nga pagduaw United Kingdom sa Great Britain ug Northern Ireland.

Si Presidente Aquino, kinsa ang gikalatid nga moabot sa UK sa may alas 9 ang takna sa gabii, Lunes (oras sa London), adunay pagkuha ug hulagway uban ang London-based DOT/DFA officials nga nagdumala sa “It‘s More Fun in the Philippines” program isip kabahin sa iyang hagip-ot nga schedule sa London. Ang iyang pagduaw sa London mao ang iyang una sa UK ug  Europe dihang siya ang nangatungdanan sa tuig 2010. 

Ang Presidente gikuyugan sa iyang walo nga Cabinet officials ug ubay-ubay ka mga Filipino businessmen kinsa mao ang motan-aw sa pagpalambo sa pamuhunan, trade ug mga kahigayonan sa turismo  tali sa Pilipinas ug UK.

Matud pa sa DOT, ang kampanya sa turismo sa nasud mainitong gi-abiabi sa UK. Ang London mihatag sa iyang hingpit nga suporta sa tourism build-up sa nasud pinaagi sa pagpintal sa iyang iconic double-decker buses, taxi cabs ug underground stations nga adunay nagkalain-laing nawong sa Pilipinas.

“Karon, ang 25 double-decker buses ug 50 itom nga sakyanan nga adunay managsama nga desensyo sa slogan, logo, ug mga nagkalain-laing nawong sa Pilipinas ang makita sa mga kalye sa London samtang ang imahe sa pinakasikat sa tibuok kalibutan nga Ifugao Rice Terraces ug Puerto Princesa Underground River, ang pareha nga giproklamar nga isip World Heritage Sites, ang makaplagan usab sa subway stations,” ang DOT nagkanayon.

Ang DOT sa Pilipinas mao ang pinakauna nga national tourism organization nga nag-advertise pinaagi sa digital platform sa mga taxi nga giipanag-iya sa Verifone Media. Ang London cabs adunay 30 minutos nga digital ad nga nagpasundayag sa 30-seconder nga “It’s more fun in the Philippines” TVC (television commercial) u gang 15-seconder tarsier TVC nga bag-o nga gilusad sa tibuok kalibutan pinaagi sa CNN.

Ang publisidad sa media pinaagi sa London cabs ang magpadayon sa pagdagan hangtud sa sunod tuig uban ang kahigayonan aron nga makabig ang milyones sa mga bisita ug household viewers sa Queen’s Jubilee, ang London 2012 Olympics, ug ang season 2012-2013 sa Fulham Football Club sa English Premier League. (GCC/PIA9, ZamboSur)