ni
Franklin P. Gumapon
DIPOLOG
CITY, June 5 (PIA) - - Milagda ug usa ka kasabutan karong bag-o ang Pilipinas
ug Italya alang sa debt conversion.
Gitawag
nga “Debt-for-Development swap agreement,” ang maong kasabutan gipirmahan nila
ni Kalihim Cesar Purisima sa buhatan sa panalapi ug Ambassador Luca Fornari sa
Italya.
Tumong
sa maong kasabutan nga makalingkawas ang Pilipinas sa kabug-at sa bayronon
niining utang sa Italya nga mikabat sa 2.917 milyones Euros ug himoon na lang
ang maong utang isip financial resources nga idapat sa mga proyektong
pangkalambo-an ilabina sa mga lalawigan nga adunay taas kaayong kaso sa
kapobrehon.
Ang
mga proyekto nga pwedeng gastu-an sa maong pundo kadto lamang nagtumong sa
pag-sulbad sa kawad-on, paghatag ug maluntarong kapanginabuhi-an ug pag-atiman
sa kinaiyahan.
Giila
ang Pilipinas sa kagamhanang Italya nga usa sa mga nasud nga pwedeng
makapahimulos sa debt conversion ubos sa Programming Guidelines and Directions
of the Italian Development Cooperation (PGDIDC). Subay niini, ang pagbayad sa
utang sa Pilipinas ipaagi na lamang sa pagpatuman ug mga proyektong
pangkalambu-an.
Susamang
kasabutan ang gipatuman usab sa Italya sa iyang mga utangan nga nasud sama sa
Kenya, Pakistan, Egypt, Albania, Indonesia ug uban pa.
Kahibalo-an
nga ang Pilpinas nakahimo usab ug kasabutan tali sa mga nasud sa Amerika,
Germany ug Switzerland alang sa debt-for-nature swap. (FPG/PCOO/PIA-Zamboanga
del Norte)
