ni Claro A.
Lanipa
Pagadian
City, May 21 (PIA) – Sa gipahigayong
National Community-Driven Development Program (NCDDP) Conference ning bag-o pa
lang, gibutyag ni Social Welfare and
Development Secretary Corazon “Dinky” Soliman atubangan sa 140 ka mga mayores nga mitambong
sa maong kalihukan, “nga kamo maoy makapahimong magmalampusong kining programa.”
Ang
maong tigum gipahigayon aron mokuha sa mga kasayuran (feedback) gikan sa mga Mayores
nga nag-implementar sa Kapit-Bisig Laban sa Kahirapan_Comprehensive and
Integrated Delivery of Social services
(Kalahi-CIDSS) base sa mga importanteng elemento sa gilaraw NCDDP.
Ang
gibutyag ni Sec Soliman, gisumpayan usab kini ni Department of the Interior and
Local Government Undersecretary for Local Government Austere Panadero nga
nagkanayon “Kamo maoy mga Kalahi-CIDSS mayors. Kamo ang unang makapadani sa mga tawo aron mahimong
magmalampusong kining programa.”
Si
Sec Soliman ug USec. Panadero maoy nagsilbing panelist kinsa nagtanyag sa ilang
reaksyon sa mga gipadayag sa mga mayores. Ang ubang miyembro sa ilang grupo
gilangkoban ni National Anti-Poverty Commission Undersecretary Jude Esguerra,
Department of Agriculture Undersecretary for Operations Joel Rudinas,
Department of Health Director Dr. Juan Antonio Perez, ug Director Patrick Lim
gikan sa Department of Budget and Management.
Ang
mga miyemrbo sa national government agencies (NGAs) nagsilbi isip panelists
atol sa maong conference aron sa pagpasabot ang mga labing mahinungdanong
direksyon nga ang administrasyon Aquino gusto mopatuman aron sa pagpakunhod sa
kawad-on ug sa pagtuboy sa maayong pangagamhanan pinaagi sa mas makahuluganong
paglambigit sa mga lungsuranon sa paghimo’g mga desisyon.
Ang
kagamhanan lokal gilaoman maoy maghupot sa importanteng papel sa pag-usab
sa pamaagi sa pagsabotsabot tali sa
kagamhanan ug ang katawhan. Sa gipunting ni Sec. Soliman, “kinahanglan makab-ot
nato ang kauyunan sa NGAs, civil society organizations (CSOs), ug LGUs aron matinud-anon
ang pagbansay sa demokrasya.
Ang
mga panelists hingpit misuporta sa awhag sa mga mayores aron ipadayon sa paggamit sa community driven
development (CDD) isip usa ka istratehiya sa pagpakunhod sa kawad-on. Matod pa,
ang CDD nagtanyag sa pagpugong sa mga desisyon ug kapanguhaan ngadto sa
mga komunidad. Giila usab nila nga ang
CDD nagkinahanglan sa mga puhunan sa tukmang panahon ug mga kapanguhaan.
Gipunting pa ni Dr. Lim nga “ang CDD usa
ka tag-as nga proseso.”
Dugtong
pa ni Sec. Soliman nga kinahanglan ang lokal ug nasudnong pangamhanan molihok
uban sa mga lungsuranon aron maseguro ang kalampusan sa nasudnong programa
sa CDD. Gisugdan sa DSWD ang
implementasyon sa CDD niadtong tuig 2003 pinaagi sa Kalahi-CIDSS, diin usa kini
sa tulo ka mga programa sa departamento batok sa kawad-on.
Base
sa mga pagtuon, ang CDD approach nagmalampuson dili lang sa paghupay sa
kawad-on sa mga pinaka-probeng lungsod sa nasud apan sa pagtuboy usab sa
gitawag community empowerment ug maayong pangagamhan. Nga maoy hinungdan ang
maong programa gihatagan ug importansya sa nasudnong kagamhanan.
Kining
program gilaraw nga modangat ngadto sa 800 ka mga pobreng-lungsod sa nasud
pinaagi sa capacity building support ug grants nga ihatag sa mga komunidad aron sa pagpahigayon sa mga ginagmay nga proyekto apan maoy motubag sa problema sa
kawad-on. Ang NCDDP nagsugyot aron hiusahon ang kasamtangan mga tinguha sa
pagpakunhod sa kawad-on uban sa CDD ubos sa umbrella program ug lig-onon ang
inter-agency collaboration sa pagtabang sa mga komunidad gawasnon sa kawad-on.
(DSWD/CAL/PIA9)
